Tag Archives: aktivitet humanitar

Njerëz në nevojë marrin vakte të paketuara iftari

Projekti i dhënies së vakteve të paketuara të iftarit gjatë muajit të Ramazanit ka vazhduar me intensitet dhe në ditët e fundit të tij.

Për dy ditë me radhë janë shpërndarë vakte iftari te komuniteti i romëve, në sasinë 100 paketime për çdo mbrëmje.

Një aktivitet i ngjashëm është zhvilluar në Kamëz, në një qendër të shërbimit social për të dhunuarat.

Sasi e njëjtë, prej 100 vaktesh të paketuara iftari, është dhënë për persona nën kujdesin e shoqatës Ryder Albania.

Realizimin e këtij projekti humanitar e mundësoi mbështetja e TİKA-s, Agjencisë për Bashkëpunim dhe Koordinim.

Në saje të bashkëpunimit mes Fondacionit ALSAR dhe TİKA-s, mijëra njerëz anembanë vendit janë ndihmuar në muajin e agjërimit dhe të solidaritetit human.

Një kontribues, disa veprimtari humanitare në Ramazan

Mes kontribuesve me ndihma në këto ditë të solidaritetit human ishte dhe fondacioni FİRDEVS, me qendër në Holandë.

Në bashkëpunim me Fondacionin ALSAR, u ndihmuan shtresa në nevojë dhe fëmijë jetimë, në disa aktivitete të ndryshme.

Me përfaqësuesit e FİRDEVS-it, gjatë qëndrimit treditor në vendin tonë, u shpërndanë 176 pako me ushqime në fshatrat Mënik dhe Shupal.

Për agjërues, banorë dhe nevojtarë, u dhanë 120 vakte iftari të paketuara, ngrënë dhe së bashku në të njëjtin mjedis.

Në mbështetje të jetimëve, për 55 fëmijë u dhuruan veshmbathje, dhe ndihmë financiare u dha për 11 fëmijë.

Te të verbërit dhe familjet e tyre në Elbasan me vakte të paketuara iftari

Vala e veprimtarive humanitare të zhvilluara në muajin e Ramazanit nga Fondacioni ALSAR përfshiu të shtunën Elbasanin, vendndalim për t’u ardhur në ndihmë familjeve të anëtarëve të shoqatës së të verbërve.

Dhënia e ndihmës ushqimore për këtë kategori invalidësh dhe familjet e tyre u shoqërua me shpërndarjen e vakteve të parapërgatitura të iftarit, në paketime të posaçme.

Të gjithë projektin e mbështeti Agjencia Turke për Bashkëpunim dhe Koordinim.

Në saje të një bashkëpunimi mjaft të suksesshëm të ALSAR-it dhe TİKA-s gjatë këtij muaji në fushën humanitare janë ndihmuar shtresa në nevojë anekënd vendit.

I tërë ky aktivitet humanitar është kryer në kuadër të ditëve të solidaritetit human, kur mirëbërësia merr më shumë kuptim dhe ngjitet në nivele të larta.

Solidaritet human, ndihma ushqimore për familje të të verbërve në Elbasan

Fondacioni ALSAR ia kushtoi ditën e parafundit të javës një aktiviteti humanitar në Elbasan, në ndihmë të familjeve të anëtarëve të shoqatës së të verbërve.

Shpërndarja e ndihmave në ushqime përbënte pjesën e parë të aktivitetit. Familje të të verbërve morën pako me artikujt bazë ushqimorë.

Aktiviteti ishte në kuadër të ditëve të solidaritetit human në Ramazan, të mbushura me aksion humanitar anembanë vendit.

TİKA, Agjencia Turke për Bashkëpunim dhe Koordinim, e mbështeti projektin, si dendur përgjatë gjithë këtij muaji me iniciativën e saj mjaft të çmuar.

Përtej aspektit material, ndihma e dhënë në këtë muaj është një përqafim i nevojtarëve dhe të pamundurve, një ngrohtësi njerëzore e dhuruar me shumë bujari.

Djem e vajza të Kukësit në iftar

Shtrimi i iftareve, projekt në realizim, është zhvendosur të shtunën në Kukës.

Me prani të gjatë në këtë qytet nëpërmjet aktiviteteve dhe kurseve të gjuhës turke, Fondacioni ALSAR organizoi dhe shtrimin e këtij iftari, me mbështetjen e paçmueshme të Agjencisë Turke për Bashkëpunim dhe Koordinim.

Në tryezat e shtruara për muajin e Ramazanit mysafirët kanë qenë pak të veçantë, djem e vajza të Kukësit, të shoqëruar një pjesë dhe nga nënat e tyre.

Të vegjël, të rinj e të rritur shijuan ushqimin e iftarit dhe përjetuan momente gëzimi.

ALSAR ka patur një program të ngjeshur humanitar gjatë muajit të agjërimit, dhe shtrimi i iftareve është ndër aktivitetet kryesore dhe me ndikim social.

Realizohet projekti i shpërndarjes së ndihmave ushqimore në Momël të Kavajës

Ende në Ramazan, në ditë të solidaritetit human, me veprimtari të shumta humanitare në ndihmë të komuniteteve dhe shtresave në nevojë, vijon shpërndarja e pakove me ushqime.

Në fshatin Momël, në Kavajë, është zhvilluar aktiviteti i dhënies së ndihmave ushqimore për banorë të zonës.

Shpërndarja u krye në sheshin para xhamisë së fshatit, ndërsa u dhanë 100 pako me artikujt bazë ushqimorë për familje në nevojë.

Projekti u mbështet nga Yeryüzü Doktorları, një organizatë joqeveritare me qendër në Turqi, që për mision të saj ka mbërritjen te njerëzit në nevojë pa mundësi për të siguruar shërbim shëndetësor, e me shumë aktivitet humanitar.

Ky ishte i pari projekt i realizuar nga Fondacioni ALSAR me këtë partner të ri, me të cilin është nënshkruar dhe një protokoll bashkëpunimi.

soap 2 day