Të përfshirë në aktivitet të gjerë humanitar, Fondacionin ALSAR e gjen dhe në ditët e fundit të Ramazanit mes njerëzve, shtresave në nevojë, në ndihmë të tyre.

Përshpejtimi i këtij aktiviteti humanitar i detyrohet dhe mbështetjes së dhënë prej partnerëve ndërkombëtarë, aktivë gjithashtu në këtë muaj.

ADEMDER, shoqata me qendër në Turqi, mbështeti tre aktivitete, të zhvilluara me sukses dhe me shumë dobi për përfituesit.

Në njësinë administrative të Bërzhitës në Tiranë u shpërndanë për shtresa në nevojë 110 pako me artikujt bazë ushqimorë.

Po për shtresa në nevojë u dhanë dhe 100 paketime me ushqim të parapërgatitur për iftar.

Veprimtaria e cila kishte në të dhe aspektin arsimor u dedikohej studentëve të universiteteve publike, dhjetë prej të cilëve morën zarfat me bursën e ekselencës. Kjo veprimtari u zhvillua në mjediset e Fondacionit ALSAR.