Mbrëmje tragjike në Tetovë!

Zjarri i rënë mbrëmjen e së mërkurës në spitalin e Tetovës ku trajtohen të sëmurët me covid u ka marrë jetën dhjetëra vetëve, mes tyre të shtruar për t’u kuruar dhe, nga sa raportohet, personel shëndetësor.

Fatkeqësia, lajmi i hidhur, ka prekur çdo zemër njerëzore, çdo shqiptar. Pikëllimi është i pranishëm në Tetovë dhe kudo.

Duke i përcjellë lajmet me shqetësim dhe me dhimbje, Fondacioni ALSAR shpreh ngushëllimet për jetët e humbura në ngjarjen tragjike.

Zoti i mëshiroftë ata të cilët kanë ndërruar jetë, ua lehtësoftë dhimbjen të afërmve të tyre dhe u dhëntë durim!

Të mbijetuarit paçin shërim të shpejtë!

Ngushëllime të gjithë tetovarëve!

ALSAR ndan dhimbjen me të prekurit nga fatkeqësia dhe lutet për shpirtrat e viktimave!