Realizimi i projekteve humanitare dimërore në ndihmë të fëmijëve jetimë ka vijuar me intensitet dhe në ditën e dytë të kësaj jave.

Në sallën e konferencave të Fondacionit ALSAR është shpërndarë kësti i dytë i një ndihme financiare për 78 jetimë.

Projekti mbështetet nga Mercy to Humanity, me qendër në Mbretërinë e Bashkuar, dhe ka nisur realizimin vetëm pak muaj më parë, kur është dhënë dhe kësti i parë.

Ky është vetëm një prej shumë aktiviteteve të kushtuara jetimëve gjatë dhjetorit, në kuadër të ditëve të solidaritetit human me shtresat në nevojë.

Përkujdesi për jetimët nuk njeh zbehje në Fondacionin ALSAR, si kontribut i vyer për të ardhmen e shoqërisë sonë.