Në Fondacionin ALSAR u prit këtë të shtunë, më 26 shtator, një ekip i YTB-së, Kryesisë për Turqit Jashtë Vendit dhe Komunitetet Mike, i mbërritur në vendin tonë për një vizitë pune.

Ekipin e kryesuar nga z. Umut Deniz Öncel e priti drejtori administrativ i Fondacionit ALSAR, z. Saimir Rusheku.

Miqve nga Turqia iu urua fillimisht mirëseardhja, e më pas ata u njohën me aktivitetin e ALSAR-it.

Në bisedën e zhvilluar gjatë pritjes u diskutua bashkëpunimi dhe perspektiva e projekteve të reja.

Shkëmbimi i ideve u shoqërua me propozime konkrete nga z. Saimir Rusheku, dëgjuar me vëmendje nga mysafirët turq.

Ata mësuan mbi veprimtarinë botuese të Fondacionit ALSAR dhe patën mundësi t’i shohin nga afër botimet më të suksesshme.

Atmosfera mikpritëse, diskutimi konstruktiv dhe mirëkuptimi e mbizotëruan vizitën. Ekipi i YTB-së u largua me një falënderim për pritjen e ngrohtë.