Kryetari i Fondacionit ALSAR, z. Mehdi Gurra, ka vizituar gjatë një qëndrimi disaditor në Turqi selinë e një prej institucioneve turke me veprimtari të gjerë në Shqipëri.

Në selinë e Institutit Junus Emre, në Ankara, ai është pritur nga kryetari, prof. dr. Selim Argun, me të cilin ka patur më tej një bisedë të ngrohtë e miqësore.

Aktiviteti i dy institucioneve, bashkëpunimi në fushën kulturore, nxitja e ndërveprimit, e kanë mbizotëruar temën e bisedës mjaft të dobishme.

Z. Mehdi Gurra e ka njohur mikpritësin mes të tjerash me aktivitetin botues të ALSAR-it, të dalluar për intensitetin dhe përzgjedhjen e veçantë të titujve për botim.

Njëkohësisht, z. Gurra e ka uruar atë për detyrën e marrë vetëm para pak javësh.

Nga prof. dr. Selim Argun është vlerësuar kontributi shoqëror i Fondacionit ALSAR dhe në kuadër të forcimit të marrëdhënieve shqiptaro-turke.

Fjalë falënderuese u thanë prej tij posaçërisht për vizitën dhe urimet e z. Mehdi Gurra.