Ambientet e Fondacionit ALSAR i vizitoi këtë të enjte kryetari i Konfederatës HAK-İŞ, z. Mahmut Arslan, së bashku me një grup shoıqërues.

Ai u prit përzemërsisht nga kryetari i Fondacionit ALSAR, z. Mehdi Gurra, dhe nga personeli.

Në atmosferën miqësore të pritjes, miqtë u informuan mbi aktivitetin e gjerë të Fondacionit ALSAR dhe treguesit e pasur në të tre fushat e veprimtarisë.

Në këtë kuadër u vlerësua dhe kontributi i entit sindikal turk, HAK-İŞ, në projekte të ndryshme humanitare, arsimore dhe kulturore të ALSAR-it në vite.

U fol gjithashtu për çuarjen më tej të marrëdhënieve mes dy institucioneve në të ardhmen.

Drejtuesit e konfederatës turke konfirmuan mbështetjen në vijimësi të projekteve të fondacionit, me të cilin pohuan se ndajnë vlera dhe synime të përbashkëta.

Qerasja e miqve u pasua në fund të vizitës nga shkëmbimi i dhuratave.

Vizita zyrtare u krye në përfundim të panelit mbi marrëdhëniet shqiptaro-turke në 101-vjetorin e tyre dhe kontributin e organizatave të punëmarrësve për to, bashkorganizuar nga Konfederata HAK-İŞ.

Fondacioni ALSAR dhe Konfederata HAK-İŞ kanë një bashkëpunim të gjatë dhe të suksesshëm.