Në ambientet e Fondacionit ALSAR u organizua të hënën, më 27 dhjetor, shpërndarja e ndihmës financiare të zekatit për 50 fëmijë jetimë.

Marrësit e zekatit ishin jetimë që gjenden nën përkujdesin e vazhdueshëm të Fondacionit ALSAR, përfitues të ndihmave periodike dhe në disa forma.

Aktiviteti u mundësua falë mbështetjes së WEFA-s, organizatës ndërkombëtare të ndihmave me qendër në Gjermani, e cila ndihmon financiarisht për çdo muaj 217 jetimë, ndërkohë që ndihmën e zekatit e dha për 50 fëmijë jetimë të tjerë.

ALSAR-i dhe WEFA po kryejnë së bashku gjatë këtyre ditëve një varg veprimtarish humanitare, në shprehje të solidaritetit human me shtresat në nevojë.

Dhënia e ndihmës financiare për fëmijët jetimë është një projekt humanitar i realizuar në periudha të caktuara të vitit dhe i mbështetur nga partnerë ndërkombëtarë të Fondacionit ALSAR.