Karvanit të kontribuesve me ndihma përgjatë muajit të Ramazanit iu bashkuan dhe sindikata turke, që në bashkëpunim me Fondacionin ALSAR shpërndanë pako me ushqime për njerëz në nevojë.

Ndihmat në ushqime nga konfederata sindikale turke HAK-İŞ dhe nga sindikata Hizmet-İş u shpërndanë në Lushnjë.

Sasia e dhuruar për nevojtarë, njerëz dhe familje në nevojë, ishte 150 pako ushqimore; një kontribut domethënës në këto ditë të veçanta.

Ndihma e dhënë prej këtyre sindikatave është veç një pjesëz e kontributit humanitar të institucioneve dhe organizmave turke për shtresat në nevojë të shoqërisë shqiptare gjatë Ramazanit.

Ditët e solidaritetit human janë të mbushura me veprimtari të shumta humanitare, të organizuar nga Fondacioni ALSAR dhe të mbështetura nga partnerë dhe bashkëpunëtorë ndërkombëtarë.