Në vazhdën e botimeve të këtij viti, ALSAR nxori nga shtypi një vepër kushtuar qytetit
me shumë histori, kulturë e traditë.
“Shkodra – Histori që gjallon me reliket e saj”, e autores Zenepe Dibra, del në dy vëllime.
Siç e lë të kuptohet dhe titulli, historia e Shkodrës tregohet nëpërmjet relikeve, të
gjendura në përgjithësi në arkivat e familjeve shkodrane.
Në kapitujt e veprës tregohen relike të gjenezës dhe identitetit, të personaliteteve, të
grave shkodrave, relike dokumentare të artit dhe muzikës, fetare, të persekutimit
komunist, të fjalimeve të personaliteteve, etj.
Libri ngjall interes nga pikëpamja e trashëgimisë historike dhe kulturore pasi shumë prej
këtyre relikeve nuk gjenden në muzetë e vendit dhe të huaja.
Autoren e karakterizon një aktivitet i gjerë hulumtues dhe botues. Pjesëmarrëse dhe
referuese në konferenca kombëtare e ndërkombëtare, ajo ka me autorësinë e saj një
varg artikujsh shkencorë dhe botimesh.