Aktivitetet humanitare të Fondacionit ALSAR të kushtuara jetimëve përfshijnë dhënien e ndihmës në forma të ndryshme.

Vijueshmëria e mbështetjes sigurohet me realizime projektesh të mirëmenduara dhe me ndikim të prekshëm në jetën e jetimëve dhe të familjeve të tyre.

Partneritetet e ALSAR-it mundësojnë bashkëpunime të frytshme dhe mjaft të dobishme.

“Send a Little Hope”, organizata bamirëse me qendër në Mbretërinë e Bashkuar, bëri të mundur kështu realizimin e një projekti humanitar në Gramsh.

Një familjeje jetimi iu dhuruan dhjetë koshere me bletë; ndihmë e dhënë në prani të aktivistëve dhe vullnetarëve të entit bamirës.

Ky kontribut humanitar lehtëson jetën e familjes së ndihmuar, duke i ofruar një bazë për rregullim të ekonomisë.

Në kuadër të kujdesit të vazhdueshëm të Fondacionit ALSAR për jetimët dhe familjet e tyre, një aktivitet humanitar është zhvilluar në zonën e Fierit dhe të Lushnjës.

Për pesë familje jetimësh janë dhuruar 145 fidanë ulllinjsh, si ndihmë e drejtpërdrejtë për përmirësimin e ekonomisë shtëpiake.

Realizimin e projektit e ka bërë të mundur organizata bamirëse “Send a Little Hope”, me qendër në Mbretërinë e Bashkuar.

Pjesëmarrës në aktivitet, përfaqësues, aktivistë dhe vullnetarë të organizatës panë nga afër kushtet e jetesës, realitetin aty ku u dha ndihma humanitare, me synimin e ndërmarrjes së nismave sensibilizuese për fushata bamirësie në ndihmë të fëmijëve jetimë në vendin tonë.

Mbështetja për jetimët pasurohet kështu me një tjetër projekt të realizuar, me një ndihmë me efekt të gjatë në jetën e familjeve të tyre.

Kontributet humanitare në shoqëri të Fondacionit ALSAR konkretizohen përmes bashkëpunimeve me partnerë të ndryshëm.

Aktivitet i gjerë dhe i vrullshëm humanitar e karakterizoi Fondacionin ALSAR gjatë këtij Ramazani.

Realizimi i projekteve të shumta e të larmishme humanitare mundësoi kontribuimin me ndihmë për individë, familje e shtresa në nevojë.

Në ditë të solidaritetit human, kjo ndihmë shkoi ngado, lehtësoi jetesën e të ndihmuarve dhe preku zemrat e njerëzve.

Iftaret, të shtruara apo të dhëna si ushqim i paketuar, mblodhën në tryeza agjërues, krijuan atmosferë feste, shtuan kohezionin social e përçuan shpresë në vatra familjare.

TİKA, Agjencia Turke për Bashkëpunim dhe Koordinim, kontribuoi në këtë aktivitet në përmasa të mëdha.

Falë TİKA-s, dhe ndërveprimit me Fondacionin ALSAR, u shtruan iftare dhe u dhanë vakte iftari të paketuara për 3000 persona.

Realizimi i këtij projekti humanitar në Ramazan u shtri në qytete të ndryshme të vendit, ku mund të përmenden Tirana, Kavaja, Elbasani.

Në mbarë aktivitetin humanitar të zhvilluar përgjatë disa javëve, ndihma për shtresa në nevojë me ushqim të parapërgatitur për iftar ka patur pjesën e saj.

Dhe në këtë Ramazan është përçuar fryma e tij dhe janë mbështetur në mënyrë të prekshme individë dhe familje në nevojë përmes dhënies së ndihmës aty ku ka qenë më e pritur, më e kërkuar.

Fondacioni ALSAR ka ndërvepruar në Ramazan me ente të interesuara për të dhënë kontribut humanitar.

Një prej tyre, shoqata UKİD, me qendër në Stamboll, kontribuoi me ushqim të parapërgatitur për iftar për 200 persona.

Paketimet me ushqimin e iftarit u shpërndanë në Tiranë nga punonjës të Fondacionit ALSAR.

Me solidaritet human në muajin e begatë të Ramazanit, Fondacioni ALSAR i ka përqendruar energjitë thuajse tërësisht në dhënien e ndihmës për shtresa në nevojë.

Mijëra pako me ushqime janë shpërndarë për nevojtarë anekënd vendit, në realizime projektesh në bashkëpunim me ente partnere.

Në saje të kontribuesve dhe të angazhimit maksimal të ALSAR-it, përfituesit e ndihmës kanë ndier lehtësim dhe gëzim, janë përfshirë në atmoferën e muajit të agjërimit.

Kontribut humanitar ka dhënë dhe organizata bamirëse “Send a Little Hope”, me qendër në Mbretërinë e Bashkuar.

Ndihma e saj përbëhej nga 20 pako me ushqime të dhuruara për individë me aftësi të kufizuara të shoqatës “Shpresa për jetën”.

Punonjës të Fondacionit ALSAR kanë shpërndarë ndihmën e pritur me mirënjohje.

Një numër jetimësh nën kujdesin e Fondacionit ALSAR kanë mbushur këtë të hënë mjediset e tij për të marrë çeqe me një pagesë vjetore të ndihmës financiare.

Aktivitetin për 50 jetimët e kanë bërë akoma më të gëzueshëm dhuratat e tjera për ta.

Atyre u janë dhënë çokollata dhe kompleti i librave nga Botimet ALSAR, “Rrëfenja kur’anore”.

Dhuratat i ka mundësuar kompania Global, dhe janë shpërndarë në praninë e drejtorit të saj, z. Kemal Sevinç, dhe të kryetarit të Fondacionit ALSAR, z. Mehdi Gurra.

Ky aktivitet humanitar, si dhjetëra të tjerë në këtë periudhë të shkurtër kohore, u zhvillua në kuadër të muajit të Ramazanit dhe në prag të Bajramit.

Jetimët gëzojnë përparësi në aktivitetin humanitar të ALSAR-it, ndërsa vëmendja ndaj tyre shtohet në këtë muaj.