Category Page: Humanitare

    Kontribut humanitar në Ramazan me iftare të shtruara dhe dhurim të paketimeve të vakteve të iftarit për mijëra individë

    Aktivitet i gjerë dhe i vrullshëm humanitar e karakterizoi Fondacionin ALSAR gjatë këtij Ramazani.

    Realizimi i projekteve të shumta e të larmishme humanitare mundësoi kontribuimin me ndihmë për individë, familje e shtresa në nevojë.

    Në ditë të solidaritetit human, kjo ndihmë shkoi ngado, lehtësoi jetesën e të ndihmuarve dhe preku zemrat e njerëzve.

    Iftaret, të shtruara apo të dhëna si ushqim i paketuar, mblodhën në tryeza agjërues, krijuan atmosferë feste, shtuan kohezionin social e përçuan shpresë në vatra familjare.

    TİKA, Agjencia Turke për Bashkëpunim dhe Koordinim, kontribuoi në këtë aktivitet në përmasa të mëdha.

    Falë TİKA-s, dhe ndërveprimit me Fondacionin ALSAR, u shtruan iftare dhe u dhanë vakte iftari të paketuara për 3000 persona.

    Realizimi i këtij projekti humanitar në Ramazan u shtri në qytete të ndryshme të vendit, ku mund të përmenden Tirana, Kavaja, Elbasani.

    Dhënia e ushqimeve të parapërgatitura për iftar, aktivitet në ndihmë të shtresave në nevojë

    Në mbarë aktivitetin humanitar të zhvilluar përgjatë disa javëve, ndihma për shtresa në nevojë me ushqim të parapërgatitur për iftar ka patur pjesën e saj.

    Dhe në këtë Ramazan është përçuar fryma e tij dhe janë mbështetur në mënyrë të prekshme individë dhe familje në nevojë përmes dhënies së ndihmës aty ku ka qenë më e pritur, më e kërkuar.

    Fondacioni ALSAR ka ndërvepruar në Ramazan me ente të interesuara për të dhënë kontribut humanitar.

    Një prej tyre, shoqata UKİD, me qendër në Stamboll, kontribuoi me ushqim të parapërgatitur për iftar për 200 persona.

    Paketimet me ushqimin e iftarit u shpërndanë në Tiranë nga punonjës të Fondacionit ALSAR.

    Ndihmë ushqimore për individë me aftësi të kufizuara

    Me solidaritet human në muajin e begatë të Ramazanit, Fondacioni ALSAR i ka përqendruar energjitë thuajse tërësisht në dhënien e ndihmës për shtresa në nevojë.

    Mijëra pako me ushqime janë shpërndarë për nevojtarë anekënd vendit, në realizime projektesh në bashkëpunim me ente partnere.

    Në saje të kontribuesve dhe të angazhimit maksimal të ALSAR-it, përfituesit e ndihmës kanë ndier lehtësim dhe gëzim, janë përfshirë në atmoferën e muajit të agjërimit.

    Kontribut humanitar ka dhënë dhe organizata bamirëse “Send a Little Hope”, me qendër në Mbretërinë e Bashkuar.

    Ndihma e saj përbëhej nga 20 pako me ushqime të dhuruara për individë me aftësi të kufizuara të shoqatës “Shpresa për jetën”.

    Punonjës të Fondacionit ALSAR kanë shpërndarë ndihmën e pritur me mirënjohje.

    Jetimë marrin dhuratë kompletin e librave, “Rrëfenja kur’anore”, dhe çokollata

    Një numër jetimësh nën kujdesin e Fondacionit ALSAR kanë mbushur këtë të hënë mjediset e tij për të marrë çeqe me një pagesë vjetore të ndihmës financiare.

    Aktivitetin për 50 jetimët e kanë bërë akoma më të gëzueshëm dhuratat e tjera për ta.

    Atyre u janë dhënë çokollata dhe kompleti i librave nga Botimet ALSAR, “Rrëfenja kur’anore”.

    Dhuratat i ka mundësuar kompania Global, dhe janë shpërndarë në praninë e drejtorit të saj, z. Kemal Sevinç, dhe të kryetarit të Fondacionit ALSAR, z. Mehdi Gurra.

    Ky aktivitet humanitar, si dhjetëra të tjerë në këtë periudhë të shkurtër kohore, u zhvillua në kuadër të muajit të Ramazanit dhe në prag të Bajramit.

    Jetimët gëzojnë përparësi në aktivitetin humanitar të ALSAR-it, ndërsa vëmendja ndaj tyre shtohet në këtë muaj.

    Për 50 fëmijë jetimë jepet ndihmë financiare vjetore

    Jetimët kanë ndier dhe në këtë Ramazan kujdesin e vazhdueshëm të Fondacionit ALSAR, të treguar në realizime projektesh humanitare në dobi të tyre.

    Ndihma ushqimore është e para e dhënë familjeve të jetimëve, për të patur një përjetim sa më të mirë në muajin e agjërimit.

    Por nuk kanë munguar dhe forma të tjera mbështetjeje, si ndihma e drejtpërdrejtë financiare.

    Në një aktivitet të këtyre ditëve të fundit të Ramazanit, të së hënës së 16 marsit, për 50 jetimë është dhënë ndihmë financiare vjetore.

    Çeqet me pagesën vjetore, nga 1 janar në 31 dhjetor 2026, janë shpërndarë në mjediset e Fondacionit ALSAR, në prani dhe të familjarëve shoqërues të jetimëve.

    Dhënien e pagesës vjetore e mundësoi kontributi nga İHH me qendër në Belgjikë.

    Ramazani e përçon vetvetishëm frymën e solidaritetit human, të përkthyer te ALSAR-i në aktivitete humanitare, shpesh kushtuar jetimëve nëpërmjet kontributeve të partnerëve ndërkombëtarë.

    Pranë njerëzve në nevojë, të ndihmuar me pako ushqimore

    Aktiviteti kryesor humanitar i Fondacionit ALSAR në këtë muaj agjërimi, ardhja në ndihmë nevojtarëve me pako ushqimore, përfshin të tjera vendmbërritje dhe të tjerë të ndihmuar.

    Bashkë me të ndihmuarit, në mijëra tani, rritet dhe numri i projekteve të realizuara me sukses në bashkëpunim me ente partnere.

    Ka kontribuar dhe ka mundësuar kështu shpërndarje ndihmash ushqimore dhe konfederata sindikale turke HAK-İŞ.

    Falë kontributit të kësaj konfederate është shpërndarë në Tiranë dhe Klos një sasi e konsiderueshme ndihme.

    Për banorë në destinacionet e ndihmës, për individë e familje në nevojë, u dhanë në këto ditë Ramazani 200 pako me artikujt bazë ushqimorë.

    Solidariteti human u shpreh sërish në mënyrë të prekshme, duke përçuar lehtësim e gëzim aty ku mbërriti ndihma.