Category Page: Humanitare

    Banorë të njësisë administrative të Dajtit në Tiranë marrin ndihmë ushqimore në ditë Ramazani

    Solidariteti human i treguar në Ramazan nëpërmjet aktiviteteve të shumta humanitare të Fondacionit ALSAR vijon të jetë i prekshëm dhe dobiprurës për njerëz e shtresa në nevojë.

    Ente partnere, organizata, shoqata e fondacione, mundësojnë realizime projektesh anembanë vendit, në ndihmë të popullatës dhe përçuese të frymës së veçantë të këtij muaji.

    Ndër kontribuesit e ka shkruar emrin dhe organizata bamirëse HİLAL me qendër në Gjermani.

    Me përfaqësuesit e saj në terren, ajo bëri të mundur zhvillimin e tre aktiviteteve humanitare.

    Një prej tyre ishte shpërndarja e pakove ushqimore në njësinë administrative Dajt të Bashkisë së Tiranës.

    Për banorë të kësaj njësie, për familje në nevojë, u dhanë 200 pako me artikujt bazë ushqimorë.

    Si kudo, ndihma u prit me mirënjohje nga përfituesit.

    Realizimi i projekteve humanitare në Ramazan, në Tiranë dhe Shkodër ndahet ushqim i parapërgatitur për iftar

    Ramazani ka hyrë tashmë në ditët e tij të fundit, ndërkohë që ritmi i realizimit të projekteve humanitare në Fondacionin ALSAR mbetet i lartë.

    Si një projekt në realizim përgjatë gjithë muajit, ai i iftareve i shërben përjetimit sa më të këndshëm të çasteve kur agjërimi ditor mbyllet dhe i lihet vendi shijimit të ushqimit, forcimit të lidhjeve shoqërore dhe ndihmesës për njerëz në nevojë.

    Dhënia e ushqimit të parapërgatitur për iftar ua bën të mundur përfituesve ngrënien e hajes në shtëpi, me familjarët, duke krijuar një atmosferë më të ngrohtë.

    Midis kontribuesve për zhvillimin e aktiviteteve për shpërndarjen e paketimeve me ushqim iftari, ishte dhe HAYRAT, organizata bamirëse me qendër në Turqi.

    HAYRAT mundësoi dhënien e ushqimeve të parapërgatitura për iftar për 300 persona në Tiranë dhe Shkodër.

    Bashkë me ushqimin, përfituesit morën dhe ndjesinë e mirë të krijuar nga solidariteti human.

    Mbështetja e njerëzve në nevojë në muajin e agjërimit, pako me ushqime shpërndahen në Tiranë, Elbasan, Mat dhe Pukë

    Ramazani, ky muaj i begatë, plot me mirësi, karakterizohet nga solidariteti i shtuar human, nga ndihma e dhënë për më nevojtarët.

    Fondacioni ALSAR e ka nisur aktivitetin humanitar të kushtuar këtij muaji pa nisur ende ai dhe po e vijon me intensitet të lartë.

    Nga një qytet në tjetrin, ndihma humanitare mbërrin në destinacion dhe i jep një frymëmarrje lehtësuese përditshmërisë së nevojtarëve.

    Në këtë kuadër është bërë dhe shpërndarja e ndihmës ushqimore të mundësuar nga HAYRAT, organizata bamirëse me qendër në Turqi.

    Në saje të këtij kontributi, në Tiranë, Elbasan, Mat dhe Pukë janë dhënë 500 pako me ushqime për familje në nevojë.

    Dhënia e kësaj ndihme është shoqëruar si kudo nga mirënjohja e përfituesve.

    Në Peshkopi dhe në njësinë administrative Çërravë të Pogradecit u vihet në ndihmë shtresave në nevojë me pako ushqimore

    Atmosfera e muajit të Ramazanit dhe e frymës solidarizuese të mbartur me të vijon e përçohet anekënd vendit përmes aktiviteteve të shumta humanitare të Fondacionit ALSAR.

    Realizimi i projekteve të dhënies së ndihmës ushqimore mundëson lehtësimin e jetesës së nevojtarëve dhe ngjall gëzim e shpresë ndër ta.

    Në partneritet me ente ndërkombëtare humanitare, një sasi e madhe me ndihma në ushqime është shpërndarë gjatë kësaj periudhe në një hapësirë të gjerë gjeografike.

    Në këtë kuadër, është realizuar dhe shpërndarja e 500 pakove ushqimore në dy vendmbërrritje.

    Ndihma e shpërndarë në Peshkopi përbëhej nga 200 pako me ushqime, ndërsa 300 pako të tjera me artikuj ushqimorë janë dhënë për nevojtarë në njësinë administrative Çërravë të Pogradecit.

    Ky kontingjent ndihme u mundësua nga WEFA, organizata e ndihmave ndërkombëtare me qendër në Gjermani, kontribuese dhe për aktivitete të tjera humanitare.

    Shtrimi i iftareve dhe dhënia e paketimeve me ushqim të parapërgatitur për iftar, aktivitet në Peshkopi, Elbasan dhe Tiranë

    Fondacioni ALSAR po e thellon dhe më tej në këtë Ramazan traditën e bukur të shtrimit të iftareve. Njëkohësisht, e bashkëshoqëron shtrimin e iftareve dhe dhurimi i paketimeve me ushqim të parapërgatitur për iftar.

    Agjërues në qytete apo lokalitete të ndryshme të vendit, banorë, njerëz në nevojë, janë mbledhur dhe mblidhen në tryezat e shtruara në frymën e solidaritetit dhe të socializimit, aq të prekshëm gjatë këtij muaji.

    Në saje të kontributit të WEFA-s, organizatës së ndihmave ndërkombëtare me qendër në Gjermani, projekti i iftareve ka gjetur zbatim këto ditë në tre qytete, Peshkopi, Elbasan dhe Tiranë.

    Një numër i përgjithshëm prej 500 personash kanë mundur të shijojnë iftarin e përbashkët apo të marrin paketime me ushqim të parapërgatitur.

    WEFA, prej shumë kohësh partnere dhe bashkëpunuese me Fondacionin ALSAR, mundësoi dhe realizimin e disa aktiviteteve të tjera humanitare në Ramazan.

    Dhurohen veshmbathje për fëmjë jetimë në Ramazan

    Në të tjera dimensione gjatë muajit të Ramazanit, aktiviteti humanitar i Fondacionit ALSAR është bërë më i larmishëm gjatë ditëve të fundit.

    Veç shpërndarjes së ndihmës ushqimore, të vazhdueshme thuajse në të tëra ditët, shtrimit të iftareve, po realizohen dhe projekte të tjera.

    Për fëmijë jetimë nën kujdesin e ALSAR-it është bërë dhurim veshmbathjesh. Një pjesë prej tyre e kanë marrë dhuratën në ambientet e fondacionit, ndërsa një kontingjent është dhënë në mjediset e një qendre tregtare.

    Veshmbathjet i përfituan 250 fëmjë jetimë, si një dhuratë për Bajram.

    WEFA, organizata e ndihmave ndërkombëtare me qendër në Gjermani, e mundësoi këtë aktivitet.