Category Page: Humanitare

    Në të hyrë të Ramazanit, pako me ushqime për banorë të Malësisë së Madhe

    Aktiviteti i përbashkët humanitar në prag të Ramazanit i Fondacionit ALSAR dhe HASENE-së, organizatës së ndihmave me qendër në Gjermani, vazhdoi në ditën e tretë të tij me shpërndarjen e ndihmave ushqimore në Malësinë e Madhe.

    Ndihma për banorë të kësaj treve, për familje në nevojë, përbëhej nga 150 pako me ushqime, shpërndarë të mërkurën.

    Përfaqësues vullnetarë të HASENE-së dhe punonjës të ALSAR-it e kryen së bashku aksionin shpërndarës, mes pritjes me dashuri dhe mirënjohje nga banorët, të rritur e fëmijë.

    Ditët e solidaritetit human me njerëzit në nevojë para dhe gjatë Ramazanit janë një fushatë shpërndarjeje ndihmash e organizuar për çdo vit nga Fondacioni ALSAR në bashkëpunim me organizata dhe fondacione partnere. HASENE është prej kohësh kontribuese e rëndësishme me ndihma e fushatës.

    Përkundër kontekstit të këtij aktiviteti humanitar, ndihma me pako ushqimore është më e vyer tani që rritja e pandërprerë e çmimeve po godet ekonominë dhe jetesën e çdo familjeje.

    [rev_slider slidertitle=”postim alsar solidaritet Ramazan 1 1″ alias=”postim-alsar-solidaritet-ramazan-1-1″]

    Ndihmat e HASENE-së shpërndahen në Gramsh në këto ditë të shprehjes së solidaritetit human

    Pas Tiranës, pakot me ushqime të sjella nga HASENE, organizata e ndihmave me qendër në Gjermani, janë shpërndarë në Gramsh për familje në nevojë.

    Shpërndarja është bërë në bashkëpunim me Fondacionin ALSAR dhe në bashkërendim me Bashkinë e Gramshit.

    Familjeve në nevojë u janë dhënë të martën 250 pako me ndihma, brenda së cilave gjenden artikujt më të nevojshëm ushqimorë.

    Kjo veprimtari bamirëse zhvillohet në prag të muajit të Ramazanit, në shprehje të solidaritetit human me shtresat më në nevojë.

    Aktiviteti humanitar i Fondacionit ALSAR merr rëndësi të veçantë para dhe gjatë muajit të Ramazanit, si ndihmë materiale dhe shpirtërore për nevojtarët.

    [rev_slider slidertitle=”postim alsar solidaritet Ramazan 1″ alias=”postim-alsar-solidaritet-ramazan-1″]

    Ditë solidariteti human në prag Ramazani: HASENE mbështet me ndihma ushqimore për familje në nevojë

    Ditët para dhe gjatë muajit të Ramazanit karakterizohen në Fondacionin ALSAR nga shprehja e papushimtë e solidaritetit human me shtresat më në nevojë të shoqërisë.

    Veprimtaritë e përditshme të shpërndarjes së ndihmave ushqimore zhvillohen në bashkëpunim me institucione partnere.

    Me një prej tyre, HASENE-në, me qendër në Gjermani, nisi të hënën shpërndarja e ndihmave me pako ushqimore për familje në nevojë.

    Shpërndarja në Tiranë u bë në bashkërendim me Bashkinë e kryeqytetit, në 12 njësi administrative.

    Për nevojtarët u dhanë 500 pako ushqimore, shpërndarë në praninë e gjashtë përfaqësuesve vullnetarë të HASENE-së.

    Organizata e ndihmave me qendër në Gjermani do të shpërndajë në tërësi 1556 pako me ushqime në qytete të ndryshme.

    Fondacioni ALSAR dhe HASENE bashkëveprojnë prej kohësh për realizimin e përbashkët të projekteve humanitare në vendin tonë.

    [rev_slider slidertitle=”postim alsar solidaritet Ramazan” alias=”postim-alsar-solidaritet-ramazan”]

    Afron Ramazani, nis shpërndarja e kontingjenteve të para të ndihmave me pako ushqimore

    Fondacioni ALSAR e ka kthyer në traditë nisjen e shpërndarjes së ndihmave ushqimore në prag të Ramazanit, që vazhdon më tej gjatë gjithë këtij muaji të bekuar me një intensitet shumë më të lartë.

    Punonjësit e fondacionit e shkelin anë më anë vendin për t’u gjendur pranë nevojtarëve, për t’u ardhur në ndihmë dhe për t’i lumturuar sadopak nëpërmjet solidaritetit human.

    I tërë ky aktivitet humanitar mbështetet nga organizatat partnere, bashkëpunëtore dhe kontribuese për vite më radhë.

    Kështu, IHH-ja me qendër në Holandë dërgoi kontingjentin e parë të ndihmave ushqimore, të shpërndarë sot, më 26 mars.

    Shpërndarja u bë në një zonë të varfër, në Klos dhe në rrethinat e tij, në fshatrat përreth. Për familje në nevojë, të shumta në këtë njësi administrative, u dhanë 150 pako ushqimore.

    Kjo sasi është vetëm një pjesë e 500 pakove me ushqime që IHH-ja ka planifikuar të shpërndajë si ndihmë përgjatë Ramazanit në bashkëpunim dhe bashkërendim me ALSAR-in.

    [rev_slider slidertitle=”postim alsar ndihma ramazan” alias=”postim-alsar-lndihma-ramazan-1″]

    Ndihma ushqimore nevojtarëve në Lushnjë

    Në kuadër të veprimtarive humanitare në ndihmë të shtresave në nevojë, në qytetin e Lushnjës janë shpërndarë pako ushqimore.
    Ndihma u dha për 80 familje në nevojë. Dhurimi i pakove me ushqime u bë me mbështetjen e HASENE-së, organizatës së ndihmave me qendër në Gjermani.
    Aktiviteti i sotëm pasoi ato të javës së shkuar, mbështetur nga e njëjta organizatë, duke ndihmuar familje në nevojë në disa qytete të vendit.
    ALSAR-i dhe HASENE realizuan së bashku kështu projektin e ndihmave të ngutshme dhe të atyre dimërore.
    Përmes dhurimit të ndihmave të tilla shprehet solidariteti me shtresat në nevojë, përçohet shpresë te nevojtarët dhe u tregohet se nuk janë të braktisur në fatin e tyre. Fondacioni ALSAR i jep rëndësi njëlloj si mbështetjes ekonomike dhe asaj shpirtërore për njerëzit në nevojë.

    [rev_slider slidertitle=”postim alsar ndihma lushnje” alias=”postim-alsar-ndihma-lushnje-33″]

    Pranë njerëzve në pritje të ndihmës, jepen pako me ushqime

    Ndalesë tjetër e projektit të ndihmave të ngutshme dhe dimërore ishin Tirana dhe Fushë-Kruja.

    Në ditë solidariteti human, pako me ushqime u shpërndanë për familje në nevojë dhe për njerëz në mjerim. Dhënë me mbështetjen e HASENE-së, organizatës së ndihmave me qendër në Gjermani, në bashkërendim dhe bashkëpunim me Fondacionin ALSAR, ndihmat përçuan pakëz shpresë në përditshmërinë e vështirë të të ndihmuarve.

    Pako ushqimore u dhanë në kryeqytet për 50 familje të shoqatës “Shpresë për jetën”. Po në Tiranë, përfaqësues të HASENE-së vizituan pesë familje e njerëz në kushte të mjerueshme, ndihmuar me pako ushqimore dhe batanije.

    Ndihma në ushqime u shpërndanë dhe në Fushë-Krujë për 60 familje në nevojë dhe jetimësh.

    Projektet humanitare zënë vend të rëndësishëm në veprimtarinë e ALSAR-it; prej tyre kanë përfituar e përfitojnë mijëra njerëz ngado. Bashkë me ndihmën ekonomike, ato përcjellin mesazhin aq të nevojshëm të solidaritetit human.

    [rev_slider slidertitle=”postim alsar fushe kruje” alias=”postim-alsar-fushe-kruje-2″]