Në një ceremoni të mbajtur në ‘Tirana International Hotel’ Fondacioni ‘Alsar’ me rastin e Kurban Bajramit në bashkëpunim me partnerët e organizatës humanitare ‘Hasene’ me qendër në Gjermani dhuroi veshmbathje për 300 jetimë.

Nën atmosferën festive që përçon festa e Kurban Bajramit tek fëmijët dhe nën fjalët e ndjera të drejtuesit të Fondacionit ‘Alsar’ Mehdi Gurra, përfaqësuesit të organizatës humanitare ‘Hasene’ dhe Atasheut fetar të Republikës së Turqisë në Tiranë Dr.Adem Gerlegiz gjithçka kaloi në mënyrë perfekte.

Atmosferës festive ju shtua edhe grupi artistik i valleve popullore të fëmijëve që i dhan një minutazh hareje të gjithë ceremonisë.
Fondacioni ‘Alsar’ dhe partnerët e tij janë gjithmonë pranë fëmijëve jetimë.

Në ditën e sotme në vijim të ndihmës në prag të festës së ‘Kurban Bajramit’ në ambientet e Fondacionit ‘Alsar’ në bashkëpunim me organizatën humanitare ‘WEFA’ me qendër në Gjermani u shpërndanë 100 pako me ushqime për familjet e jetimëve.

Ashtu si në çdo prag feste me karakter hyjnor Fondacioni ‘Alsar’ është gjendur gjithmonë pranë familjeve në nevojë, kryesisht familjeve të jetimëve që edhe ata të kalojnë një festë të gëzuar.

Fondacioni ‘Alsar’ dhe partnerët e tij do e vijojnë aktivitetin humanitar përgjatë festës së ‘Kurban Bajramit’ në shërbim të shtresave në nevojë.

Përgjatë ditës së sotme në ambientet e Fondacionit Alsar u shpërnda ndihma financiare e zekatit për 100 fëmijë jetimë.

Përfituesit, e gjendur nën përkujdesin e pandërprerë të Fondacionit ALSAR, e morën zarfin me shumën e zekatit nga përfaqësuesit e organizatës humanitare WEFA të ardhur në vendin tonë.

Projekti i dhënies së ndihmës financiare të zekatit për jetimët mbështetet vijimësisht nga WEFA, një partner i çmuar i ALSAR-it
Nga bashkëpunimi frytdhënës kanë përfituar përmes projekteve humanitare shumë e shumë jetimë, fëmijë për të cilët kujdesi është i veçantë

Në prag të festës së ‘Kurban Bajramit’, përgjatë ditës së sotme në ambientet e ‘Fondacionit Alsar’ u shpërndanë dhurata dhe ndihma ekonomike për fëmijët jetim.

Në një bashkëpunim midis ‘Fondacionit Alsar’ me ‘Organizatën Ndërkombëtare Islame të Bamirësisë’ me qendër në Kuvajt u bë e mundur të asistohen 100 fëmijë jetimë në dhurata në veshmbathje dhe në ndihmë ekonomike.

Asistenca ndaj fëmijëve jetim është një nga objektivat më të rëndësishme të ‘Fondacionit Alsar’ ku edhe në ditët në vazhdim kjo ndihmë do të vijojë në kuadër të festës së ‘Kurban Bajramit’

Në ambientet e Fondacionit ALSAR u shpërnda kësti i ndihmës ekonomike për 78 jetimë, përfitues nga projekti i realizuar me mbështetjen e Mercy to Humanity, me qendër në Britani.

Bashkërendimin në projekt e ndoqën nga afër të deleguarit e Mercy to Humanity pranë degës zyrtare në vendin tonë të kësaj organizate humanitare.

Në fokus të aktivitetit tonë humanitar, fëmijë jetimë përkrahen e ndihmohen financiarisht, mes të tjerash, gjatë tërë vitit.

Aktiviteti humanitar i Fondacionit ALSAR ka vijuar në këto ditë qershori me zbatimin e projektit të ndihmës ekonomike për jetimët, për t’iu gjendur kështu pranë shtresave në nevojë.

Në ambientet e Fondacionit ‘ALSAR’ janë shpërndarë ndihma ekonomike për 78 jetimë.

Veprimtarinë e mbështeti Organizata Ndërkombëtare Islame e Bamirësisë, me qendër në Kuvajt.

Shpërndarja e ndihmave ekonomike ekskluzivisht për jetimët është një veprimtari e përsëritur në vazhdimësi përgjatë të gjithë aktivitetit të Fondacionit ‘Alsar’ ndër vite.