Ekipi i ‘Fondacionit Alsar’ prej dy ditësh ndodhet në qytetet e prekura nga tërmeti apokaliptik i 6 shkurtit në Turqi në kuadër të ndihmave përgjatë muajit të Ramazanit.

Prej dy ditësh ‘Fondacioni Alsar’ në bashkëpunim me organizatat humanitare partnere ka shpërndarë vakte të ngrohta iftari dhe ndihma ushqimore për banorët e Malatias, Hatait dhe Karamanmarashit ku në total janë shpërndarë mbi 1500 vakte iftari dhe ndihma ushqimore.

Ekipi i ‘Fondacionit Alsar’ ishte prezent edhe fill pas valës shkatërruese të tërmeteve të 6 shkurtit në jug-lindje të Turqisë duke treguar solidarizim dhe ndjenjë vëllazërore me popullin turk.

Vizita e dytë në pak kohë në qytetet e prekura më rëndë nga tërmeti vjen në kuadër të solidarizimit human me rastin e muajit të madhërishëm të Ramazanit.

Duke mos lënë asnjë ditë pa mbuluar me aktivitet humanitar, ‘Fondacioni Alsar’ dhe organizata humanitare ‘Emin’ me qendër në Gjermani vijojnë shpërndarjen e ndihmave humanitare.

Duke udhëtuar në periferi të Tiranës, ‘Fondacioni Alsar’ dhe ‘Emin’ u gjendën në fshatin Pashkashesh dhe Fravesh ku 70 familjeve në nevojë dhe familjeve të jetimëve ju shpërndanë ndihma humanitare në pako ushqimore.

Në bashkëpunim me organizatën humanitare me qendër në Gjermani ‘Emin’ shpërndahen pako ushqimore për familjet e jetimëve dhe për njerëzit në nevojë.

Në ditët e fundit të muajit Ramazan, në ambientet e ‘Fondacionit Alsar’ u shpërndanë 50 pako me produkte ushqimore të ndryshme për familjet e jetimëve dhe për familjet në nevojë. Kjo ndihmë erdhi në momentin e duhur që edhe shtresat nëvojë të festojnë si duhet festën e ‘Fiter Bajramit’.

Shpërndarja e ndihmave në bashkëpunim me partnerët tanë do vijojë deri në përmbushjen e objektivave të projektit mbi ndihmën përgjatë muajit të Ramazanit.

Gjatë ditës së sotme edhe pse fundjavë, në ambientet e fondacionit ‘Alsar’ vijon përmbushja me seriozitet e projekteve të muajit të Ramazanit.
Mbi 50 fëmijë jetimë përfituan veshmbathje nga projekti në kuadër të Ramazanit në bashkëpunim me organizatën humanitare ‘Emin’ me qëndër në Gjermani.
Në vijueshmëri, projektet humanitare në bashkëpunim me organizatën humanitare ‘Emin’ në kuadër të muajit të Ramzanit përgjatë ditëve nuk do të ndalojnë.

Pothuajse në përfundimin e muajit të Ramazanit, ‘Fondacioni Alsar’ shtroi një iftar në ambientet e Hotel “Tirana International”.
Iftarin e nderuan me pjesëmarrjen e tyre personalitete të fushave të ndryshme, drejtues lokalë, përfaqësues të trupit diplomatik, akademikë, miq e mysafir nga përtej kufijve shtetërorë, politikanë, pjesëtarë dhe aktivistë të shoqërisë civile, hoxhallarë, intelektual e bashkëpunëtorë të ngushtë të ‘Fondacionit Alsar’.

Kryetari i ‘Fondacionit Alsar’, z. Mehdi Gurra, ua uroi të pranishmëve mirëseardhjen ndërsa mbajti një fjalë të shkurtër mbi sfidat e së shkuarës, të tashmes, dhe sfidat e së ardhmes të ‘Fondacionit Alsar’.Z.Gurra shprehu ngushëllime të përzemërta edhe për popullin mik e vëlla turk pas katastrofës natyrore përgjatë tërmetit të 6 shkurtit ku ‘Fondacioni Alsar’ u gjend i gatshëm për të dhënë kontributin e tij për Republikën e Turqisë.

Me këtë rast u shpërndanë edhe çertefikata në shenjë mirënjohje për kontribuesit kur ‘Fondacioni Alsar’ bëri thirrje ndihme për popullin turk në raport me tërmetin e 6 shkurtit.
Në iftar përshëndeti dhe kryetari i Bashkisë së Tiranës, z. Erion Veliaj, që e shfrytëzoi rastin për të uruar agjëruesit dhe për të shprehur mirnjohje për aktivitetin humanitar, kulturor e arsimor të ‘Fondacionit Alsar’.

Gjithashtu z.Veliaj shprehu mirnjohje për popullin vëlla turk.
Një fjalim të shkurtër mbajti edhe Ambasadori i Republikës së Turqisë në Tiranë z.Tayyar Kağan Atay i cili shprehu mirënjohjen për solidarizimin e popullit shqiptar në lidhje me solidarizimin mbi tërmetin e 6 shkurtit në Turqi gjithashtu shprehu edhe vlersime të larta mbi aktivitetin e ‘Fondacionit Alsar’.
Të shoqëruar nën melodinë e leximit të pjesëve nga Kuranit Famëlartë, pritja e përzemërt, dhe ushqimi i përzgjedhur krijuan një atmosferë tepër familjare për të gjithë të pranishmit.

Aktiviteti humanitar i ‘Fondacionit Alsar’ ka vijuar në këto ditë agjërimi me zbatimin e projektit të ndihmave të Muajit Ramazan, për t’iu gjendur pranë shtresave në nevojë.

Në fshatrat e Tiranës, në zonën e Zall-Bastarit dhe Zall-Dajtit u shpërndanë ndihma në produkte ushqimore. Në total u shpërndanë 200 kuti me ushqime për familjet në nevojë dhe familjet e jetimëve.

Aktiviteti human në kuadër të Muajit Ramazan u mbështet nga Organizata Ndërkombëtare Islame e Bamirësisë, me qendër në Kuvajt.

Shpërndarja e ndihmave përgjatë Muajit të Ramazanit është një veprimtari e përsëritur në vazhdimësi gjatë gjithë këtij muaji.