Përgjatë gjithë ditëve të agjërim ‘Fondacioni Alsar’ u gjend pranë shtresave në nevojë duke shpërndarë paketa ushqimore të gatshme në kuadër të muajit të Ramazanit për agjëruesit dhe nevojtarët.

Ashtu si në ditët e shkuara gjatë këtij muaji Ramazan u shpërndanë vakte të gatshme iftari për 100 persona.

Solidariteti me familjet në nevojë ze një hapsirë tepër të veçantë gjatë gjithë këtij muaji.

Në ambientet e ‘Fondacionit Alsar’ në ditën e sotme u dhuruan pako me mishi ‘Adak’ për familjet e jetimëve ku nga ky projekt përfituan 30 familje jetimësh. Ky projekt u mundësua me anë të një donatori nga Turqia.

Ashtu si në ditët e kaluara në bashkëpunim me organizatën humanitare ‘IHHNL’ me qendër në Hollandë, ‘Fondacioni Alsar’ shtroi iftar për banorë, besimtarë e nevojtarë në xhaminë e Fushë-Krujës.

Në Fushë-Krujë u shtrua iftar për 100 persona ku morën pjesë përfaqësues të ‘Fondacionit Alsar’ sëbashku me përfaqësuesit e organizatës humanitare ‘IHHNL’.

‘Fondacioni Alsar’ dhe partnerët e tij do e zhvillojnë shtrimin e iftareve deri në ditën e fundit të Muajit të Ramazanit pothuajse në çdo qytet të Shqipërisë.

Ashtu sikurse njoftuam në ditën e shkuar, ‘Fondacioni Alsar’ në bashkëpunim me organizatën humanitare ‘IHH’ me qendër në Hollandë, në kuadër të Muajit Ramazan, e shtriu aktivitetin solidarizues dhe humanitar në veri-lindje të vendit.

‘Fondacioni Alsar’ ndoqi intenerarin e shpërndarjeve të pakove ushqimore në aksin MilotRrëshen-Burrel-Klos-Peshkopi-Kukës, ku për jetimët dhe familjet në nevojë të këtyre qyteteve u dhuruan 200 pako me produkte të ndryshme ushqimore.

Ndihmat në kuadër të Muajti të Ramazanit janë ndihma të një rëndësie të veçantë si shenjë të humanizmi dhe solidariteti me shtresat në nevojë në këtë muaj agjërimi.

Në ditën e djeshme, edhe pse fundjavë, Fondacioni ‘Alsar’ sëbashku me partnerët e organizatës humanitare ‘IHHNL’ me qendër në Hollandë përmbushi nismën për të gëzuar përgjatë Muajit të Ramazanit fëmijët jetim dhe shtresat në nevojë.

Në ambientet e ‘Fondacionit Alsar’ u dhuruan 100 pako me veshmbathje, zarfe ndihme ekonomike, 100 pako me produkte të ndryshme ushqimore.Në total nga projekti që startoi ditën e djeshme do përfitojnë rreth 360 familje, 450 persona për shtrimin e iftareve dhe 100 fëmijë jetim nëpërmjet dhurimit të veshmbathjeve.

Projektet e Ramazanit me bashkëpuntorët tanë të organizatës humanitare ‘IHHNL’ do zhvillohen edhe në ditët në vazhdim ku aktivitetin humanitar Fondacioni ‘Alsar’ do e shtrijë kryesisht në veri-lindje të vendit ku do të shtrohen iftare për agjëruesit dhe do të shpërndahen kuti me artikuj të ndryshëm ushqimor.

Starton projekti i iftareve në bashkëpunim me ‘WEFA’.

Iftarin e mbrëmshëm ‘Fondacioni Alsar’ u gjend në xhaminë e fshatit Mënik ku hodhi siparin projekti i shpërndarjes të iftarit për 1000 persona në bashkëpunim me organizatën humanitare ‘WEFA’.

Projekti ka si synim solidarizimin me çdo familje në nevojë dhe me çdo agjërues që Muaji i Ramazanit të kalohet sa më gëzueshëm.

Projekti mbi shpërndarjen e iftarëve për 1000 persona do të vijojë edhe në ditët në vazhdim deri në ditën e fundit të Muajit të Ramazanit. Shpërndarja e iftareve do ndiqet në dy forma, në iftare të shtruara në ambiente publike apo në paketa të dhuruara për konsumim në ambiente private.