Një ndihmë e dhënë për familjet në nevojë me afrimin e dimrit është lënda drusore për ngrohje. Pjesa më e madhe e tyre nuk kanë mundësi ta blejnë atë, as të ngrohen ndryshe, prandaj Fondacioni ALSAR e ka parë të nevojshme t’ua sigurojë një sasi të caktuar.

Me projektin humanitar të ALSAR-it për shpërndarjen e ndihmave dimërore, lëndë drusore për ngrohje në sasinë një metër kub u është shpërndarë 100 familjeve të fëmijëve jetimë në Tiranë.

Mbështetje për realizimin e projektit dha IHH me qendër në Holandë.

Projekti i shpërndarjes së ndihmave dimërore është në fillimet e veta për këtë sezon. Ditë pas dite, javë pas jave, muaj pas muaji, harta e shpërndarjes së ndihmave dimërore do të zgjerohet, e bashkë me të dhe numri i përfituesve, individë apo familje në nevojë.

Lënda drusore është vetëm një në ndihmat e shumta për nevojtarët që ALSAR jep përgjatë gjithë vitit.

Solidarizimi me njerëzit në nevojë, me të pamundurit, ndihma për ta, gjendet në esencën e aktivitetit të Fondacionit ALSAR.

Gjithanshmëria e ndihmës së dhënë për 200 fëmijë jetimë në Tiranë të hënën e fundit të shtatorit u plotësua me veshmbathjet e dhuruara atyre.

Pas marrjes së ndihmës periodike financiare, çantave dhe mjeteve të tjera shkollore, për jetimët u dhuruan dhe veshmbathje, pantallona, bluza dhe atlete.

Veprimtarinë dhuruese të Fondacionit ALSAR e mbështeti IHH me qendër në Holandë.

Aktiviteti humanitar i ALSAR-it i kushtuar fëmijëve jetimë ka në historikun e tij shumë projekte ndihmash, realizuar me sukses në të katër anët e vendit.

Qindra fëmijë jetimë janë prej vitesh nën përkujdesjen e Fondacionit ALSAR, të ndihmuar në çdo pikëpamje. Shumë prej projekteve të ndihmave për jetimët kanë patur dhe kanë mbështetjen e organizatave dhe fondacioneve të huaja partnere.

Në kuadër të aktivitetit të tij humanitar, të misionit për t’u ardhur në ndihmë shtresave në nevojë, veçanërisht fëmijëve jetimë, Fondacioni ALSAR shpërndau ndihmën financiare periodike për 200 jetimë në Tiranë.

Ndihma financiare e dhënë periodikisht i përket tremujorit të tretë të këtij viti. Ajo shkon për fëmijë jetimë të ndihmuar në mënyrë të vazhdueshme nga Fondacioni ALSAR.

Projekti u mbështet nga IHH me qendër në Holandë, një organizatë ndihmash me të cilën ALSAR ka bashkëpunim të ngushtë dhe të shtrirë në kohë.

Jetimë në Tiranë dhe në qytete të tjera të Shqipërisë kanë te ALSAR-i një ndihmues të sinqertë në lehtësimin e jetës së vështirësuar nga mungesa e prindit.

Kontributi financiar i ALSAR-it për jetimët përbën vetëm një pjesë të ndihmës së shumtë dhe të larmishme që u jepet atyre përgjatë gjithë vitit; një dëshmi e qartë e solidaritetit njerëzor!

Të ardhurat e pakta për frymë dhe niveli i ulët i jetesës e karakterizojnë prej kohësh verilindjen e vendit. Nevoja për ndihmë atje është e përhershme; të shumtë janë nevojtarët.

Fondacioni ALSAR ishte me ndihmat e tij një ditë më parë, më 8 shtator, në njësinë administrative Tomin të Peshkopisë, për të kontribuar në lehtësimin e ngushticave të përditshmërisë për banorët e zonës.

Projekti i ndihmës kishte karakter arsimor dhe humanitar: dhurim çantash shkollore për nxënësit e shkollës 9-vjeçare “Idriz Kaba” dhe shpërndarje e pakove ushqimore për banorët nevojtarë.

Familjeve në nevojë iu shpërndanë 55 pako, mbushur me artikujt bazë ushqimorë.

Kontributi për t’ua lehtësuar sadopak jetën nevojtarëve është shprehje kësisoj dhe e solidaritetit me shtresat në nevojë të shoqërisë.

ALSAR u vjen vazhdimisht në ndihmë atyre që u mungojnë gjërat elementare për një jetë normale, në përmbushje të aktivitetit të tij humanitar, të nisur dhe të pandalur që nga dita e parë e krijimit të fondacionit.