Category Page: Humanitare

    Pako me ushqime në ditë Ramazani për njerëz në nevojë në verilindje të vendit.

    I nisur në hyrje të muajit të begatë të agjërimit për besimtarët muslimanë, aksioni humanitar i Fondacionit ALSAR në bashkërendim me Agjencinë Turke për Bashkëpunim dhe Koordinim, TİKA, ka vazhduar të shtunën në katër qytete të tjera.

    Automjetet me ndihma janë ndalur në Burrel, Klos, Bulqizë dhe Peshkopi, për t’u shpërndarë pako me ushqime shtresave në nevojë, atyre në kushte jo të mira ekonomike dhe jetimëve.

    Përfitues të ndihmës ushqimore në këto ndalesa ishin 150 familje, të lehtësuara sadopak në përditshmërinë e tyre.

    Përtej pakove me ushqime si ndihmë materiale, aktiviteti mbart një frymë të fortë të solidaritetit human, të dallueshëm tani më tepër se në çdo kohë tjetër të vitit.

    Projekti me mbështetjen ekskluzive të TİKA-s ecën drejt përmbushjes me mbërritjen e ndihmës në destinacione të tjera në ditët e ardhshme.

    Vijon shpërndarja e ndihmave ushqimore me mbështetjen nga TİKA

    Tashmë prej ditësh ka nisur shpërndarja e pakove me ushqime të mundësuara nga TİKA, Agjencia Turke për Bashkëpunim dhe Koordinim.

    Ndihma në ushqime shkon për shtresat në nevojë në qytete dhe lokalitete anembanë vendit, në kuadër të muajit të begatë të Ramazanit.

    Punonjësit e Fondacionit ALSAR dhe automjetet me ndihma janë ndalur këtë herë në Shijak, Durrës, Kavajë, Rrogozhinë dhe Lushnjë.

    Për nevojtarët u dhanë 200 pako me artikuj bazë ushqimorë, ndërkohë që ky aktivitet humanitar do të vazhdojë dhe më tej.

    ALSAR dhe TİKA kanë një bashkëpunim të gjatë dhe të frytshëm në realizime projektesh humanitare në ndihmë të familjeve në nevojë dhe të jetimëve.

    Kryen vizitën e syve grupi i dytë i fëmijëve jetimë.

    Jetimë të mbështetur në vazhdimësi nga Fondacioni ALSAR bëri ditë më parë një vizitë sysh në një klinikë okulistike në Tiranë.

    Të njëjtën vizitë e kanë kryer dhe një grup tjetër prej 15 jetimësh.

    Tek ta është parë nëse kanë probleme me shikimin, dhe në ç’shkallë gjenden ato nëse janë konstatuar te fëmijët.

    Vizitat e jetimëve u kryen falë bashkëpunimit me klinikën “See Well Eye”.

    Ky bashkëpunim mundësoi analiza të hollësishme okulistike për 25 fëmijë jetimë në tërësi, në kuadër të aktivitetit humanitar të Fondacionit ALSAR.

    Ndër veprimtaritë humanitare të këtij muaji dhe dhënie fidanësh ulliri për familje jetimësh.

    Në hovin e aksionit humanitar përgjatë muajit të Ramazanit, një prej veprimtarive të para në nisje të tij ishte dhe dhurimi i dhjetëra fidanëve për familje të jetimëve.

    Shpërndarja e këtyre fidanëve të ullirit do të bëhej në fshatin Varosh, në të dalë të kryeqytetit.

    Për familje të jetimëve u dhanë 30 fidanë ullinjsh, me pjesëmarrjen në aktivitet dhe të përfaqësuesve të entit dhurues.

    Kështu, ndihmën e bëri të mundur mbështetja nga Send A Little Hope, një organizëm humanitar me qendër në Britani.

    Fondacioni ALSAR ka një program të ngjeshur humanitar gjatë Ramazanit; projekte që realizohen në bashkëpunim të ngushtë me organizata dhe shoqata partnere përgjithësisht ndërkombëtare.

    Zhvillohet në Tiranë aktiviteti i shpërndarjes së ndihmave ushqimore nga TİKA dhe Fondacioni ALSAR.

    Me hyrjen e muajit të begatë të Ramazanit, ashtu si në vitet e shkuara, në pallatin e sportit “Farie Hoti” në kryeqytet është zhvilluar aktiviteti i shpërndarjes së pakove me ushqime për familje të fëmijëve jetimë.

    Shpërndarjes i ka paraprirë një ceremoni, me pjesëmarrjen e ambasadorit turk në Tiranë, z. Tayyar Kağan Atay, koordinatorit të TİKA-s, z. Mustafa Ata, dhe kryetarit të Fondacionit ALSAR, z. Mehdi Gurra.

    Ceremonia iu kushtua një aksioni të gjerë humanitar gjatë këtij muaji të mbështetur nga TİKA, Agjencia Turke për Bshkëpunim dhe Koordinim, dhe të shtrirë në të katër anët e vendit.

    Ramazani dhe fryma e tij përbashkuese zunë vend në fjalën e përfaqësuesit diplomatik të Turqisë në Shqipëri, z. Tayyar Kağan Atay, vënës në pah i vëllazërisë së dy popujve.

    Ai u tha të ardhurve në aktivitet se ndihma në pako ushqimore është në shenjë të dashurisë së popullit turk për ta.

    Kryetari i Fondacionit ALSAR u ndal, tek mori fjalën, në bashkëpunimin me TİKA-n në ndihmë të shtresave në nevojë. Z. Gurra u shprehu falënderimet Ambasadës së Turqisë në Tiranë dhe TİKA-s për këtë kontribut humanitar.

    Shpërndarja e pakove me ushqime do të pasonte fjalët përshëndetëse. Për familje të jetimëve u dhanë 900 pako.

    Ky projekt i koordinuar humanitar parashikon shpërndarjen e 3500 pakove ushqimore përgjatë Ramazanit.

    Ka nisur zbatimi i projektit humanitar të shpërndarjes së pakove ushqimore në Ramazan me mbështetjen nga TİKA.

    Në kuadër të aktiviteteve humanitare që zhvillohen gjatë tërë muajit të Ramazanit, dhe të ditëve të solidaritetit human, prej së hënës po vihet në zbatim një projekt i gjerë ndihme për familjet e jetimëve dhe shtresat në nevojë.

    Me një traditë shumëvjeçare tashmë, ky projekt ka mbështetjen e TİKA-s, Agjencisë Turke për Bashkëpunim dhe Koordinim.

    Ndihmën e gjerë me pako ushqimore do ta përfitojnë 3500 familje në thuajse tërë qytetet e Shqipërisë.

    Shpërndarja, si një aksion i përbashkët me Fondacionin ALSAR, filloi të hënën drejt veriut të vendit, nga Fushë-Kruja në Thumanë, Mamurras, Lezhë, Shkodër dhe Koplik.

    Pako me artikuj bazë ushqimorë u dhanë për 260 familje.

    Një ceremoni do të ketë të mërkurën në Tiranë kushtuar kësaj veprimtarie humanitare, shoqëruar dhe me shpërndarje të ndihmës ushqimore.