Category Page: Humanitare

    Në të tjera qytete, me të njëjtin solidaritet human në shpërndarje ndihmash ushqimore

    Aksioni humanitar i Fondacionit ALSAR ndoqi të premten rrugën drejt Patosit, Dimalit, Kuçovës dhe Beratit.

    Ashtu si në ditët e shkuara, ndihma e dërguar në këto qytete përmbante pako me ushqime për jetimë.

    Përfitues do të ishin dhe jetimë të Poliçanit e Skraparit.

    Për ta u shpërnda një sasi prej 70 pakosh me artikuj ushqimorë; ndihmë në lehtësimin e jetesës dhe në shprehje të solidaritetit human, aq shumë të nevojshëm për këtë shtresë dhe aq të pranishëm në këto ditë Ramazani.

    Shpërndarja u krye në kuadër të realizimit të projektit humanitar të mbështetur posaçërisht nga TİKA, Agjencia Turke për Bashkëpunim dhe Koordinim.

    Në ndihmë të shtresave në nevojë me iftare të paketuara.

    Në ditë të solidaritetit human në muajin e Ramazanit, Fondacioni ALSAR po u vjen në ndihmë nevojtarëve dhe me iftare.

    Vakte të gatshme shpërndahen për çdo ditë në komunitete të ndryshme, duke u siguruar ushqim të mjaftueshëm.

    Një ndihmë e tillë, me 100 vakte të gatshme në çdo iftar, për një numër të njëjtë personash, i është shpërndarë komunitetit të romëve në Tiranë, posaçërisht në Allias, në Bregun e Lumit dhe në Selitë.

    Projektin e mbështet TİKA, Agjencia Turke për Bashkëpunim dhe Koordinim.

    Ky është një prej projekteve humanitare që po realizohen gjatë këtij Ramazani nga Fondacioni ALSAR në bashkëpunim me organizma partnere.

    Në Fier dhe Vlorë në ditë të solidaritetit human, ndihma ushqimore për jetimët.

    Projekti humanitar i shpërndarjes së ndihmave ushqimore në Ramazan vijon të zbatohet me të njëjtin ritëm si në ditët e para të tij.

    Nga veriu në jug, çdo ditë ndihmohen qindra nevojtarë, familje jetimësh dhe në nevojë, me mbështetjen e pakursyer të TİKA-s, Agjencisë Turke për Bashkëpunim dhe Koordinim.

    Ndihma me artikuj ushqimorë u shpërnda në mesjavë për shtresa në nevojë të Fierit dhe Vlorës. Për jetimët u dhanë 100 pako.

    Përpos lehtësimit të përditshmërisë dhe mundësimit të kalimit sa më mirë të muajit të agjërimit në terma materialë, ndihma është shprehje e solidaritetit me këtë shtresë të shoqërisë sonë.

    Fondacioni ALSAR e shton përgjatë këtij muaji aktivitetin humanitar, duke arritur te shumë më tepër njerëz dhe duke ngrohur shumë më tepër zemra.

    Në ndihmë të shtresave në nevojë, jepen ushqime në Kukës dhe Rrëshen.

    Të përfshirë nga fryma e solidaritetit human në këtë muaj të begatë, punonjës të Fondacionit ALSAR vazhdojnë pandërprerë shpërndarjen e ndihmave ushqimore në qytete dhe lokalitete të ndryshme të vendit.

    Ata u kanë ardhur në ndihmë në stacionin e radhës banorëve të Kukësit dhe Rrëshenit, duke u shpërndarë atyre pako me ushqime.

    Sasia prej 200 pakosh u shpërnda për familje në nevojë.

    Në Kukës e përfituan jetimë dhe familje të përzgjedhura nga bashkia e qytetit prej listës së asistencës ekonomike.

    Në Rrëshen, gjithashtu, ndihma u dha për familje në gjendje jo të mirë.

    Aktiviteti përbënte një copëz të projektit humanitar në zhvillim e sipër në kuadër të muajit të Ramazanit, me mbështetjen e vyer të TİKA-s, Agjencisë Turke për Bashkëpunim dhe Koordinim.

    Nevojtarë në Përrenjas, Pogradec dhe Korçë marrin ndihma ushqimore.

    Shpërndarja e ndihmave në ushqime për shtresat në nevojë në kuadër të ditëve të solidaritetit human në Ramazan ka vazhduar në Përrenjas, Pogradec dhe Korçë.

    Punonjës të Fondacionit ALSAR janë ndalur dhe kanë shpërndarë pako me ushqime dhe në njësinë administrative Çërravë të Progradecit.

    Sasia e ndihmës së shpërndarë në vendndalimet e sipërpërmendura përbëhej nga 200 pako me artikujt bazë ushqimorë.

    Ky projekt humanitar i nisur që në ditët e para të muajit të Ramazanit po realizohet në bashkëpunim me TİKA-n, Agjencinë Turke për Bashkëpunim dhe Koordinim, mbështetësen kryesore të tij.

    Ndihma e dedikuar shtresave në nevojë do të shpërndahet në të katër anët e vendit.

    Në ditë solidariteti human, nuk resht ndihma për shtresat në nevojë.

    Ndërkohë që muaji i begatë i Ramazanit ka hyrë në javën e dytë të tij, Fondacioni ALSAR vazhdon me intensitet veprimtaritë humanitare.

    Një sasi e konsiderueshme ndihme ushqimore është shpërndarë në aktivitetin e radhës në Shkodër dhe në Tiranë.

    Shpërndarja e ndihmës ushqimore në Shkodër u krye në bashkëpunim me shoqatën e paraplegjikëve dhe tetraplegjikëve.

    Për nevojtarët u dhanë 200 pako me artikujt bazë ushqimorë.

    Një sasi tjetër prej 50 pakosh u shpërnda në Tiranë për familje në nevojë.

    E tërë ndihma prej 250 pakosh me ndihma ushqimore u mundësua nga UKIM (UK Islamic Mission), organizata me qendër në Britaninë e Madhe.