Ashtu sikurse njoftuam në ditën e shkuar, ‘Fondacioni Alsar’ në bashkëpunim me organizatën humanitare ‘IHH’ me qendër në Hollandë, në kuadër të Muajit Ramazan, e shtriu aktivitetin solidarizues dhe humanitar në veri-lindje të vendit.

‘Fondacioni Alsar’ ndoqi intenerarin e shpërndarjeve të pakove ushqimore në aksin MilotRrëshen-Burrel-Klos-Peshkopi-Kukës, ku për jetimët dhe familjet në nevojë të këtyre qyteteve u dhuruan 200 pako me produkte të ndryshme ushqimore.

Ndihmat në kuadër të Muajti të Ramazanit janë ndihma të një rëndësie të veçantë si shenjë të humanizmi dhe solidariteti me shtresat në nevojë në këtë muaj agjërimi.

Në ditën e djeshme, edhe pse fundjavë, Fondacioni ‘Alsar’ sëbashku me partnerët e organizatës humanitare ‘IHHNL’ me qendër në Hollandë përmbushi nismën për të gëzuar përgjatë Muajit të Ramazanit fëmijët jetim dhe shtresat në nevojë.

Në ambientet e ‘Fondacionit Alsar’ u dhuruan 100 pako me veshmbathje, zarfe ndihme ekonomike, 100 pako me produkte të ndryshme ushqimore.Në total nga projekti që startoi ditën e djeshme do përfitojnë rreth 360 familje, 450 persona për shtrimin e iftareve dhe 100 fëmijë jetim nëpërmjet dhurimit të veshmbathjeve.

Projektet e Ramazanit me bashkëpuntorët tanë të organizatës humanitare ‘IHHNL’ do zhvillohen edhe në ditët në vazhdim ku aktivitetin humanitar Fondacioni ‘Alsar’ do e shtrijë kryesisht në veri-lindje të vendit ku do të shtrohen iftare për agjëruesit dhe do të shpërndahen kuti me artikuj të ndryshëm ushqimor.

Starton projekti i iftareve në bashkëpunim me ‘WEFA’.

Iftarin e mbrëmshëm ‘Fondacioni Alsar’ u gjend në xhaminë e fshatit Mënik ku hodhi siparin projekti i shpërndarjes të iftarit për 1000 persona në bashkëpunim me organizatën humanitare ‘WEFA’.

Projekti ka si synim solidarizimin me çdo familje në nevojë dhe me çdo agjërues që Muaji i Ramazanit të kalohet sa më gëzueshëm.

Projekti mbi shpërndarjen e iftarëve për 1000 persona do të vijojë edhe në ditët në vazhdim deri në ditën e fundit të Muajit të Ramazanit. Shpërndarja e iftareve do ndiqet në dy forma, në iftare të shtruara në ambiente publike apo në paketa të dhuruara për konsumim në ambiente private.

Në vazhdën e traditës së TIKA-s (Agjencia Turke për Bashkëpunim dhe Koordinim) në ndihmë të shtresave në nevojë, në katër qytete të Shqipërisë përkatësisht Tiranë, Lushnje, Divjakë dhe Fier u shpërndanë farëra bujqësore dhe plehra kimike për 50 familjet e jetimëve të suportuara prej vitesh nga ‘Fondacioni Alsar’

Farërat bujqësore të dhuruara familjeve të jetimëve janë një mundësi e mirë shfrytëzimi ekonomik për të përmirësuar kushtet e jetesës dhe në rritjen e nivelit ekonomik familjar por edhe në forcimin e marrëdhenieve midis njeriut dhe tokës.

Për 50 familje jetimësh në qytetet e sipërpërmendura janë dhuruar plehra kimike dhe farëra bujqësore: misri, fasule dhe jonxhe.

Pjesë e aktivitetit ishte edhe Ambasadori turk në Tiranë, Tayyar Kağan Atay, i cili ndau në momente të veçanta ndjenjat e solidaritetit me familjet në nevojë.

Ndihma e dhënë për familjet e jetimëve është shprehje e humanizmit dhe e solidaritetit në Muajin e Ramazanit ku vepra të tilla gjejnë një vend tepër të veçantë në këtë muaj.

‘Fondacioni Alsar’ shpreson dhe uron prodhimtari të begatë për familjet në nevojë që u bënë pjesë e këtij projekti.

Në vijim të një tradite shumëvjeçare të Fondacionit ALSAR, ka nisur dhe në këtë Ramazan shtrimi dhe dhënia e iftareve për agjërues dhe shtresa në nevojë.

Si një aktivitet humanitar me karakter ndihmues dhe solidarizues, shtrimi i iftareve vazhdon prej disa ditësh.

Ai do të realizohet deri në fund të muajit të Ramazanit, duke u ofruar iftar 100 personave në ditë, vakte të ngrohta ushqimi për pjesëtarë të komuniteteve të ndryshme.

Zhvillimi i aktivitetit është në dy forma, si shtrim iftaresh kolektive me pjesëmarrje agjëruesish pranë xhamive apo qendrave e mjediseve sociale, ose dhënie e iftarit në paketa të gatshme, për ta konsumuar pranë familjeve.

Me zhvillimin e projektit të shtrimit apo dhënies së iftareve mbështeten shtresat në nevojë, ashtu si dhe me shumë projekte të tjera humanitare përgjatë këtij muaji.

Fondacioni ALSAR e ka vijuar fushatën e ndihmave humanitare në muajin e Ramazanit me shpërndarjen e mishit “Adak” për familje jetimësh.

Jetimë dhe familjarë të tyre, përgjithësisht nëna, janë mbledhur në mjediset e brendshme të fondacionit për të marrë ndihmën në mish.

“Adak” është dhënë për 20 familje jetimësh. Projekti humanitar është mbështetur nga dhurues të ndryshëm.

Ditët e solidaritetit human në Ramazan karakterizohen nga veprimtari të ngjeshura humanitare në ndihmë të shtresave në nevojë.

Shumë prej aktiviteteve zhvillohen në bashkëpunim me partnerë ndërkombëtarë të ALSAR-it.