Në ditë të solidaritetit human në Ramazan, Fondacioni ALSAR u gjendet pranë me ndihma shtresave në nevojë.

Veprimtaritë humanitare ndjekin njëra-tjetrën ndërsa ndihma mbërrin te më nevojtarët, përgjithësisht në pako me ushqime.

Një e tillë u zhvillua në ditën e parafundit të javës në mjedisin e jashtëm të Fondacionit ALSAR. Për familje në nevojë të Tiranës u shpërndanë 50 pako me artikuj bazë ushqimorë.

Aktiviteti pati mbështetjen e WEFA-s, organizatës së ndihmave në Gjermani, dy përfaqësues të së cilës morën pjesë aktivisht në procesin shpërndarës.

Një kontribuese e vazhdueshme e projekteve humanitare të ALSAR-it, kjo organizatë është angazhuar në këtë fillim Ramazani në zhvillimin e një vargu aktivitetesh të dhënies së ndihmave.

Në ambientet e Fondacionit ALSAR u zhvillua këtë të shtunë të 25 marsit aktiviteti i dhënies së ndihmës financiare të zekatit për fëmijë jetimë.

Salla e konferencave u mbush me jetimë për të cilët kujdesi nga Fondacioni ALSAR është i vazhdueshëm.

Zarfat me shumën monetare iu shpërndanë fëmijëve nga dy përfaqësues të WEFA-s, organizatës së ndihmave me qendër në Gjermani dhe mbështetëse e projektit.

Ndihmën e përfituan 50 fëmijë jetimë, të lumturuar për dhuratën në këto ditë Ramazani.

WEFA kontribuon prej kohësh për projektin humanitar të dhënies së ndihmës financiare të zekatit për fëmijë jetimë.

Në kuadër të solidarizimit me popullin turk pas tërmeteve që goditën disa qytete në ditët e para të shkurtit dhe dërgimit të ndihmave në zonat e dëmtuara, është nisur këtë të premte një ngarkesë tjetër e madhe.

Sasia e ndihmës prej 20 tonësh, e nisur nga Fondacioni ALSAR, përbëhet nga artikuj ushqimorë, mes tyre miell për prodhimin e bukës, si dhe një furrë buke me gaz.

Ndihma i dërgohet AFAD-it, Agjencisë së Menaxhimit të Fatkeqësive dhe Emergjencave në Turqi, prej nga përcillet në territoret e prekura nga goditjet sizmike me pasoja shkatërruese.

Nisjen e ndihmës e ndoqën nga afër kryetari i Fondacioni ALSAR, z. Mehdi Gurra, ambasadori i Republikës së Turqisë në Tiranë, z. Tayyar Kağan Atay, si dhe koordinatorja e TİKA-s në Tiranë, znj. Emine Gizem Başkan.

Ambasadori turk vuri dhe njëherë në pah në një fjalë të shkurtër kontributin e vazhdueshëm të Fondacionit ALSAR në fushatën e ndihmës në ditët e vështira të Turqisë pas fatkeqësisë natyrore.

ALSAR ka mbledhur dhe dërguar më herët të tjera ndihma, nga ato monetare te kamionë me artikuj të ndryshëm dhe tepër të nevojshëm për popullatën në jug dhe juglindje të Turqisë.

Në këtë muaj të bekuar e të begatë, ardhur me shumë të mira e për të mirën e njerëzisë, Fondacioni ALSAR zhvillon si për çdo vit një aktivitet të ngjeshur humanitar, për ta përcjellë ndihmën dhe gëzimin në çdo shtëpi.

Dalluar si ditë të solidaritetit human, këto të Ramazanit i karakterizon shpërndarja e ndihmave të shumta për familje dhe njerëz në nevojë.

Me mbështetjen nga WEFA, organizata e ndihmave me qendër në Gjermani, ka nisur një program i shpërndarjes së ndihmave ushqimore.

Nën kujdesin e dy përfaqësuesve të WEFA-s, të ardhur posaçërisht, dhe me organizimin e ALSAR-it, është kryer sot në Klos shpërndarja e 100 pakove me ushqime. Ndihmën e kanë përfituar familje në nevojë të zonës.

Veprimtaritë për shpërndarjen e pakove me ushqime do të vijojnë në ditët pasuese, në të tjera qendra të banuara e për të tjerë nevojtarë.

Realizuesit e projektit të ndihmave ushqimore për Ramazan shkuan të dielën në Labinot të Elbasanit, në të tretën ditë të këtij aktiviteti humanitar.

Për banorë të zonës, familje në nevojë, punonjës të Fondacionit ALSAR dhe të organizatës së ndihmave me qendër në Gjermani, mbështetëse e projektit, HASENE, shpërndanë 200 pako me artikuj ushqimorë.

Si kudo tjetër, ndihma ushqimore, në shprehje të solidaritetit humanitar, u prit me mirënjohje nga nevojtarët.

Gjatë tre ditëve të fundit të javës së kaluar u shpërndanë 800 pako me ndihma ushqimore, fillimisht në Pogradec, më pas në Tiranë e Lushnjë, e së fundi në Elbasan.

Ndihma për shtresat në nevojë është një angazhim i përhershëm i Fondacionit ALSAR. Vëmendja ndaj tyre merr të tjera përmasa me ardhjen e Ramazanit.

Aktiviteti humanitar në kuadër të projektit të ndihmave ushqimore për Ramazan vazhdoi pasditen e së shtunës në Lushnjë.

Ndihma e shkuar në këtë destinacion përbëhej nga pako me ushqime për 150 familje në nevojë.

Ato u shpërndanë nga punonjës të Fondacionit ALSAR dhe të HASENE-së, organizatës së ndihmave me qendër në Gjermani dhe që e mbështet projektin.

Lushnja ishte vendmbërritja e tretë e këtyre ndihmave pas Pogradecit dhe Tiranës. Ndihma të tjera shpërndahen të dielën në Elbasan.

Muajit të Ramazanit i paraprijnë gjithmonë veprimtari të tilla humanitare, më të dendura pastaj gjatë tij. Nëpërmjet tyre ndihmohen shtresa në nevojë dhe përçohet ngado ndjenja e solidaritetit njerëzor.