Fondacioni ALSAR dhe shoqata ADEMDER, me qendër në Turqi, nënshkruan një marrëveshje bashkëpunimi që do ta ngrejë në një stad më të lartë ndërveprimin midis tyre.

Protokollin e bashkëpunimit e nënshkruan drejtuesit e dy enteve homologe, kryetari i Fondacionit ALSAR, z. Mehdi Gurra, dhe kryetari i shoqatës ADEMDER, prof. dr. Ahmet Şimşirgil.

Marrëveshja parashikon realizimin e projekteve me karakter të përbashkët në fushën humanitare, arsimore dhe kulturore. Bashkëpunimi synon të rrisë kontributin në dobi të shtresave të ndryshme të shoqërisë dhe të vërë më në pah vlerat që mbartin palët e këtij partneriteti.

Produkt i menjëhershëm i këtij finalizimi ishte akordimi i bursave të ekselencës për dhjetë studentë të universiteteve publike. Projekti u mundëson mbështetjen financiare këtyre studentëve të përzgjedhur për programin e vitit akademik në vazhdim, 2024-2025.

Në ceremoninë e dhënies dhe të këstit të parë të bursës, në sallën e konferencave të Fondacionit ALSAR, studentëve u mbajti një ligjëratë kryetari i shoqatës ADEMDER.

Prof. dr. Ahmet Şimşirgil u foli djemve dhe vajzave për misionin e përbashkët të organizimit që ai drejton dhe të ALSAR-it, për kontributin e prekshëm në fushën e arsimit, të nevojshëm dhe të dobishëm për shoqërinë shqiptare, si dhe për shoqërinë turke, ku ADEMDER ushtron aktivitetin kryesor.

Një varg këshillash të dhënë të rinjve prej tij konsistuan në vështrimin dhe perceptimin si duhet të realitetit, si dhe në investimin në arsimim, si baza më e mirë për të ardhmen. Vend zuri në ligjëratë dhe e shkuara e përbashkët historike, bashkëjetesa shekullore, trashëgimia e pasur e dy popujve.

Në programin e së shtunës së 30 nëntorit bënte pjesë dhe realizimi i një projekti humanitar në ndihmë të fëmijëve jetimë.

Vëmendja dhe mbështetja e Fondacionit ALSAR për arsimimin e duhur të brezit të ri konkretizohet ndër të tjera dhe me dhënien e bursave të ekselencës për studentë të universiteteve publike.

Programi i akordimit të kësaj mbështetjeje financiare ka fituar cilësinë e një projekti parësor në kuadër të aktivitetit tonë arsimor, i zhvilluar viti pas viti. Nëpërmjet tij ndihmohen studentë të shkëlqyer, të rinj e të reja që marrin mbështetjen e nevojshme për t’u shkolluar sa më mirë e për të qenë të gatshëm t’i shërbejnë zhvillimit shoqëror kur të ndahen me auditorët e universiteteve.

Për përcaktimin e fituesve të vitit akademik aktual, 2024-2025, komisioni përzgjedhës i Fondacionit ALSAR ka marrë në shqyrtim dosjet e aplikuesve dhe ka zhvilluar intervista me ta. Është vlerësuar niveli i paraqitjes së studentëve dhe janë respektuar kriteret e përzgjedhjes.

Ndër aplikuesit nga universitete publike të vendit, në Tiranë, Elbasan, Korçë, janë përzgjedhur 85 fitues të bursave të ekselencës, studentë në degë të ndryshme, në nivele të ndryshme studimi dhe nga qytete dhe lokalitete të ndryshme.

Emrat e fituesve të bursave të ekselencës për vitin akademik 2024-2025 janë si më poshtë:

1. Anamaria Spaho

2. Ester Koço

3. Geraldina Agolli

4. Keti Tasho

5. Kreshnik Mehmeti

6. Maria Xheli

7. Silvia Goçi

8. Sindi Muharem

9. Sofia Lara

10. Suzana Baçevski

11. Alesja Kume

12. Dhurata Shkembi

13. Elvisa Hamati

14. Fabiola Gengo

15. Florian Mejdolli

16. Greta Jazxhi

17. Katerina Adri

18. Megi Mallkasi

19. Megiana Qose

20. Orgito Pronjari

21. Rahila Kuqo

22. Abjon Halili

23. Armena Korançe

24. Artjola Osmani

25. Asien Ceni

26. Belkisa Dervishi

27. Bleona Sejdini

28. Blerina Tafaj

29. Denada Norja

30. Desara Kanina

31. Dhurata Doda

32. Dritana Hida

33. Eliesa Bashvogli

34. Elisabeta Jaupi

35. Elmira Alushaj

36. Eneo Doçi

37. Eralda Hoda

38. Erjane Muhadri

39. Esi Muska

40. Esma Hadaj

41. Esmeralda Metko

42. File Xhaferaj

43. Flavio Zhusti

44. Hafije Fejzuli

45. Hateme Nasufi

46. Ines Pasmaqi

47. Jon Kola

48. Jona Haxhiaj

49. Juljan Bala

50. Jusra Loku

51. Klaudia Gjini

52. Klaudja Lifo

53. Klevis Brahaj

54. Kostandino Rroga

55. Kreshnik Rroshkadol

56. Linda Tairi

57. Livia Sejdiu

58. Luiz Bala

59. Megi Hebibasi

60. Mersid Zeqja

61. Meruan Bode

62. Miranda Duraku

63. Monika Sulari

64. Nehat Pervizi

65. Nosiana Burnazi

66. Oksana Shpuza

67. Oksana Vata

68. Orjona Shermadhi

69. Ralf Salihi

70. Regis Shyti

71. Regis Topurja

72. Rexhina Debrova

73. Roena Mustafa

74. Sara Zaçaj

75. Sefeda Lazaj

76. Sevina Torra

77. Sidorela Hoda

78. Silvja Kabashi

79. Sonja Ballkoçi

80. Subian Dalani

81. Tea Qose

82. Valentina Mici

83. Virna Pasmaqi

84. Xhoana Agolli

85. Zarife Hasanllari

Djem e vajza të kurseve të gjuhës turke në Tiranë i janë gëzuar këtë të mërkurë, më 13 nëntor, një dhurate të shpërndarë atyre në mjediset e Fondacionit ALSAR.

Për ta janë dhënë tabletë elektronikë, pajisje që të përdorura në mënyrën e duhur do t’i ndihmojnë në procesin mësimor.

Një fjalë e shkurtër për përfituesit nga drejtori administrativ i Fondacionit ALSAR, e ndjekur dhe nga disa fjalë të thëna nga dhënësi i mësimit në kursin e gjuhës turke, i kanë paraprirë shpërndarjes së dhuratës.

Ajo u nda për 18 ndjekës e ndjekëse të kurseve të gjuhës turke në kryeqytet, ndërsa pjesa tjetër e sasisë prej 30 tabletësh shkon për tetë kursistë të kursit në Konispol dhe për katër të tjerë të kursit në Kukës.

Dhuratën e mundësoi Konfederata Hak-İŞ, enti sindikal turk me të cilin Fondacioni ALSAR ka një bashkëpunim produktiv.

Aktiviteti me karakter arsimor përmbante njëkohësisht dhe pandryshueshmërisht cilësinë mirëbërëse.

Në qytetin e Kukësit ka hapur dyert kursi i gjuhës turke për të gjithë të interesuarit, për djem e vajza që duan ta ndjekin atë e t’i çelin vetes perspektiva të reja në rrugën e arsimimit.

Ky kurs i përvitshëm nis punën vetëm pak kohë pas fillimit të vitit të ri shkollor, 2024-2025, dhe do të vijojë përgjatë gjithë tij.

Mësimi i gjuhës turke u bëhet i mundur të rinjve të Kukësit nëpërmjet niveleve të ndryshme të kursit. Mjetet e duhura didaktike dhe mësimdhënia cilësore e bëjnë të lehtë përvetësimin e turqishtes.

Ndjekja e kursit është një kohë e kaluar në mënyrë të dobishme, një përpjekje produktive e cila do t’i ndihmojë në të ardhmen e afërt ata që synojnë t’i vazhdojnë studimet e ciklit të mesëm ose të lartë në Turqi.

Projekti i kurseve të gjuhës turke vihet në zbatim njëkohësisht në Konispol dhe në Tiranë, si për çdo vit shkollor.

I përsëritur vit pas viti, ai merr jetë në kuadër të aktivitetit arsimor të Fondacionit ALSAR, të përkushtimit të tij institucional për të dhënë kontribut të qenësishëm në mirërritjen e brezit të ri.

Në kuadër të aktiviteteve tona arsimore dhe humanitare, në ditën e fundit të shtatorit u dhuruan çanta dhe mjete mësimore për nxënësit në shkollën e bashkuar të Kërrabës.

Ndihmën e dhënë për të lehtësuar ndjekjen e shkollës e përfituan 150 nxënës, djem e vajza të zonës.

Shpërndarjen e dhuratave shkollore e kryen punonjës të Fondacionit ALSAR, së bashku me një përfaqësues të donatorëve.

Realizimin e projektit e mundësoi WEFA, organizata e ndihmave me qendër në Gjermani.

Veprimtaria dhuruese në shkollën e Kërrabës përbënte fazën e dytë e projektit, të nisur me një aktivitet të ngjashëm në nisje të këtij muaji, kur në ambientet e fondacionit u shpërnda një sasi e njëjtë për jetimë. Falë zbatimit të këtij projekti, dhuratën në çanta dhe mjete të tjera shkollore e morën në tërësi 300 nxënës.

ALSAR kontribuon në vazhdimësi për një arsimim sa më të mirë të fëmijëve dhe të rinjve. Aktivitetet janë shpesh bashkëpunime me partnerë të ndryshëm.

Aktiviteti i Fondacionit ALSAR përmban për çdo shtator zhvillime projektesh në fushën arsimore, në ndërthurje dhe me aspektin humanitar.

Me dhurimin e ndihmave të ndryshme, përgjithësisht të mjeteve shkollore, ALSAR u gjendet pranë nxënësve dhe mësuesve, e jep kontribut për një proces të mbarë mësimor.

Urimi në nisje të vitit të ri shkollor nuk është një përmbledhje e thjeshtë fjalësh, por pasohet me konkretizimin e vëmendjes për arsimin nëpërmjet veprimtarive të shumta dhuruese.

Një javë pasi shkollat hapën dyert dhe pritën nxënësit, ALSAR realizoi dhurimin e një baze materiale dhe didaktike, dedikuar për shkollën 9-vjeçare “14 Nëntori” në Mushqeta, në njësinë administrative të Krrabës, si dhe për konviktin studentor në Tiranë, nën kujdesin e tij.

Ndihma e përbërë nga tavolina, karrige dhe kompjutera u prit me mirënjohje nga përfituesit.

Fondacioni ALSAR do të vazhdojë të japë kontribut qenësor për arsimimin sa më të mirë të fëmijëve dhe të të rinjve.