Humanitare Archives - Page 60 of 63

Një bashkëpunim i ri, një iniciativë e re: ndihma ushqimore për të sëmurë rëndë

Gjithnjë në aktivitet humanitar, gjithnjë në kërkim të shtigjeve të reja në përmbushjen e misionit bamirës, Fondacioni “ALSAR” është treguar ngaherë i gatshëm të nisë bashkëpunime të reja dhe ta shtrijë më tej veprimtarinë.

Një kërkesë e tillë për bashkëpunim erdhi nga Shoqata Ryder Albania (SHRA), një organizatë jofitimprurëse e krijuar prej gati tridhjetë vitesh dhe që i është kushtuar kujdesit paliativ.

Bashkë me përgjigjen pozitive, bashkëpunimi i parë u konkretizua shumë shpejt, më 10 dhe 11 qershor.

Fondacioni “ALSAR” shpërndau 40 pako me ndihma ushqimore për të sëmurë me kancer në fazë terminale, sipas një liste të dhënë nga SHRA.

Shpërndarja u bë në Tiranë dhe në rrethinat e saj, në fshatra, duke vajtur shtëpi më shtëpi. E dedikuar përgjithësisht për këta të sëmurë, ndihma ushqimore shkoi dhe për të moshuar në nevojë.

Ndihma ushqimore është mbështetje e prekshme, e drejtpërdrejtë, për njerëz të tillë me sëmundje të rënda. Ajo u lehtëson në të njëjtën kohë ankthet, ndjenjën e vetmisë, braktisjes.

“ALSAR” u ka ardhur pandërprerë në ndihmë shtresave në nevojë. Bashkëpunimi me organizata të tjera të së njëjtës fushë, vendase apo të huaja, ka qenë i rëndësishëm në realizimin me sukses të projekteve. I suksesshëm mund të quhet dhe bashkëpunimi i parë me Shoqatën Ryder Albania.

[rev_slider slidertitle=”postim blog” alias=”slider-1″]

Shifrat e aktivitetit humanitar në një muaj të veçantë: Ramazan 2021

Është në ADN-në e “ALSAR”-it t’i gjendet pranë nevojtarit, ta ndihmojë jetimin, t’i japë shpresë njeriut që e ka humbur atë, ta gëzojë të dëshpëruarin, t’ia heqë vetminë të braktisurit, t’ia shtrijë dorën e bamirësisë të vuajturit.

Është në misionin e tij t’ua zbukurojë Ramazanin njerëzve, t’i mbledhë në iftare, t’u dhurojë jetimëve, t’i ndihmojë familjet, që çdokush ta përjetojë atë si një muaj feste dhe begatie, si një muaj sakrifice që shpërblehet.

Një vëllim i jashtëzakonshëm pune në tridhjetë ditë, nën nxitimin e mbërritjes në destinacionin e duhur, aty ku ndihma ishte më e nevojshme. Mijëra pako me ndihma, mijëra përfitues; në numër të ngjashëm pjesëmarrësit në iftare apo marrësit e iftareve të paketuara.

Një përshkrim i hollësishëm i punës së një muaji, në zëra të veçantë, vjen më poshtë. Një pasqyrë e imtësishme e aktivitetit humanitar të Fondacionit “ALSAR” në Ramazanin e këtij viti, të mbështetur nga partnerët me projekte dhe organizime të përbashkëta. Ndihmat, ushqimore dhe veshmbathje, dhe iftaret ishin për fëmijë jetimë dhe familje në nevojë, për besimtarë dhe nevojtarë.

Ndihma ushqimore: 8050 pako të shpërndara

“ALSAR” dhe HASENE shpërndanë 2000 pako në dy javë, në gjashtë qytete.

“ALSAR” dhe TİKA realizuan projektin për shpërndarjen e 3500 pakove në dy javë, në 35 qytete.

“ALSAR” dhe UKIM bënë ndarjen e 200 pakove më 13 prill në Gramsh.

“ALSAR” dhe AYDER shpërndanë në të njëjtin ditë, më 13 prill, 100 pako me ndihma ushqimore në Tiranë.

“ALSAR” dhe ATİB shpërndanë 150 pako më 17 prill në Ndroq, Tiranë.

“ALSAR” dhe HAYRAT dhanë 100 pako më 23 prill në qytetin e Kavajës.

“ALSAR” dhe IHH me qendër në Holandë shpërndanë 600 pako me ndihma ushqimore në datat 2-3 maj, në qytetet Tiranë, Kavajë dhe Elbasan.

“ALSAR” dhe WEFA ishin mes datave 5 dhe 9 maj në Kavajë dhe Elbasan, për shpërndarjen e 300 pakove me ndihma ushqimore.

“ALSAR” dhe RUMELİ VAKFI dhanë 500 pako me ndihma më 6 maj në Dibër dhe Tiranë.

Në bashkëpunim me Fondacionin “ALSAR”, nën kujdesin e Drejtorisë së Përgjithshme të Vakëfeve dhe Ambasadës së Shtetit të Kuvajtit në Republikën e Shqipërisë, u ndanë 100 pako më 8 maj në Tiranë.

“ALSAR” dhe IHH me qendër në Belgjikë dhanë më 10 maj në Librazhd 100 pako me ushqime.

“ALSAR” dhe ADEMDER organizuan më 10 maj shpërndarjen e 50 pakove me ndihma ushqimore në Fushë-Krujë.

“ALSAR” dhe AVRUPA YARDIM VAKFI çuan më 11 maj ndihma në 50 pako në Fushë-Krujë.

“ALSAR” dhe HAK-İŞ u shpërndanë nevojtarëve 300 pako më 11 maj në Tiranë dhe Elbasan.

Vakte iftari u shtruan apo u dhanë paketë për 7500 persona

Një projekt iftaresh u realizua përgjatë dy javëve në shtatë qytete me mbështetjen e organizatës HASENE, me vakte iftari për 3700 persona.

Në një muaj, 3000 persona në gjashtë qytete morën pjesë në shtrimin apo dhurimin e vakteve të iftarit nëpërmjet projektit të realizuar me mbështetjen e TİKA-s.

Më 2 maj, 500 persona në Tiranë, Kavajë dhe Elbasan përfituan vakte iftari të dhënë nga IHH-ja me qendër në Holandë.

Vakte iftari për 200 persona u dhanë më 6 maj në Kavajë nga WEFA.

ADEMDER po ashtu dha vakte iftari për 100 persona në Fushë-Krujë dhe Tiranë.

Morën veshmbathje dhuratë 432 fëmijë jetimë

IHH-ja me qendër në Holandë dha veshmbathje për 100 fëmijë jetimë, WEFA për 220 jetimë, AVRUPA YARDIM VAKFI për 11 fëmijë jetimë, dhe Organizata Botërore e Bamirësisë për 100 fëmijë jetimë. Shpërndarja e këtyre ndihmave në veshmbathje u bë në ambientet e Fondacionit “ALSAR”.

Solidaritet dhe bamirësi në Ramazan, misioni i përmbushur i Fondacionit “ALSAR”

Një prej tre shtyllave të veprimtarisë së Fondacionit “ALSAR” prej ditës së parë së themelimit të tij është aktiviteti humanitar, që përfshin gjithçka në ndihmë të njerëzve, në ndihmë të një shoqërie në tranzicion e me shumë nevoja.

Shtresa sociale në nevojë, fëmijë jetimë, familje pa të ardhura, institucione të ndryshme, marrin mbështetje gjatë vitit prej Fondacionit “ALSAR”; ndihmë monetare dhe ushqimore, në veshmbathje dhe në artikuj të jetës së përditshme, logjistike dhe infrastrukturore, marrin trajtim të përgjithshëm dhe të posaçëm.

Në një muaj të vitit, ky aktivitet shtohet, bëhet i dendur, merr tjetër shpejtësi. Ramazani, një muaj i veçantë për besimtarët muslimanë, por me ndikim dhe në pjesë të shoqërisë me sentimente më të dobëta fetare dhe spirituale, është po kaq i veçantë për Fondacionin “ALSAR”.

Përgjatë këtij muaji shpërndahen ndihma, shtrohen iftare, organizohen veprimtari. Gjithçka e menduar për ta bërë sa më të gëzueshme atmosferën e këtij muaji, për ta përçuar këtë gëzim kudo, dhe aty ku rrezet e lumturisë kanë depërtuar pak ose aspak.

Solidariteti human e përshkon Ramazanin prej ditës së parë në të fundit. Dukja e këtij solidariteti te Fondacioni “ALSAR” është fare e thjeshtë, tepër e lehtë për t’u perceptuar. Prej shumësisë së aktivitetit humanitar, bamirës, mundësuar dhe prej bashkëpunimit me organizata dhe institucione mbartëse të së njëjtës ndjeshmëri.

Ashtu si në çdo vit, edhe ky Ramazan pati të njëjtën pamje në “ALSAR”, përkundër kufizimeve të stërzgjatura prej pandemisë: gjallëri e skajshme, lëvizje, axhendë e ngjeshur, një ditë këtu dhe një ditë atje, shpërndarje pakosh, shtrime iftaresh, organizime ceremonish, etj.

Bilanci flet vetë: të shpërndara 8050 ndihma me pako ushqimore, dhënë për fëmijët jetimë të mbështetur në vazhdimësi nga “ALSAR”-i, për familje nevojtare, për shtresa në skaj të shoqërisë; iftare të shtruara apo të paketuara për 7500 persona, besimtarë dhe nevojtarë; veshmbathje të dhuruara për 432 fëmijë jetimë.

Harta e aktivitetit humanitar të “ALSAR”-it në Ramazanin e 2021-shit është e gjerë, nga Tirana në veri dhe jug të vendit, në qytete, lokalitete dhe fshatra ku ndihma ishte e mirëpritur, e nevojshme, gëzimdhënëse.

HASENE, TİKA, IHH me qendër në Holandë, IHH me qendër në Belgjikë, WEFA, RUMELİ VAKFI, ATİB, UKIM, AYDER, HAYRAT, AVRUPA YARDIM VAKFI, HAK-İŞ, Organizata Botërore e Bamirësisë, ADEMDER, ishin organizatat dhe institucionet që e ndihmuan Fondacionin “ALSAR” në këtë mision fisnik njëmujor. Mirënjohje atyre!

Fondacioni “ALSAR” dhe TİKA shpërndajnë ndihma ushqimore për fëmijët jetimë

Qindra fëmijë jetimë dhe pjesëtarë të familjeve të tyre kanë mbushur pallatin e sportit “Farie Hoti” në kryeqytet, të ftuar për të marrë pako ushqimore, si ndihmë në ditët e solidaritetit human gjatë muajit të madhëruar të Ramazanit.

Organizuar nga Fondacioni “ALSAR” dhe TİKA, Agjencia Turke për Bashkëpunim dhe Koordinim, shpërndarja e ndihmave ushqimore, në pako me 20 kg, u bë për 1000 fëmijë jetimë të Tiranës.

Ceremoninë e shpërndarjes së ndihmave e nderuan me pjesëmarrjen e tyre, ambasadori i Republikës së Turqisë në Tiranë, z. Murat Ahmet Yörük, koordinatorja e TİKA-s në Tiranë, znj. Emine Gizem Başkan, dhe kryetari i Fondacionit “ALSAR”, z. Mehdi Gurra.

Z. Murat Ahmet Yörük u përcolli pjesëmarrësve në fjalën e tij përshëndetjet e presidentit turk, z. Recep Tayyip Erdoğan. Ambasadori tha se për çdo vit në Ramazan mblidhemi këtu me kontributin e TİKA-s dhe nëpërmjet bashkëpunimit me Fondacionin “ALSAR”.

Ai foli për ndihmat e dhëna në qytete dhe lokalitete të ndryshme të Shqipërisë nga institucione të ndryshme turke, për ecjen krah më krah të dy popujve me miqësi dhe vëllazëri të vërtetë, për premtimin për t’iu gjendur pranë shqiptarëve në ditë të mira dhe të këqija.

“Nuk ju lamë vetëm pas tërmetit, nuk jamë lamë vetëm gjatë pandemisë. Dhimbjet dhe vuajtjet tuaja janë dhimbjet dhe vuajtjet tona,” tha z. ambasador.

Kryetari i Fondacionit “ALSAR” e nisi fjalën e tij përshëndetëse duke u uruar mirëseardhjen pjesëmarrësve në sallë.

Z. Mehdi Gurra e vuri theksin te ndihma e TİKA-s për fëmijët jetimë që janë nën kujdesin e Fondacionit “ALSAR”, për shpërndarjen në numër të përgjithshëm të 3500 pakove ushqimore për këta fëmijë, duke nisur me 1000 pako për fëmijët jetimë të Tiranës e duke vazhduar në ditët e ardhshme për ata në qytete të ndryshme të vendit.

Pasi e bëri dhe njëherë të njohur kujdesin e veçantë të treguar nga “ALSAR”-i për fëmijët jetimë, ai uroi një Ramazan të mbarë dhe agjërim të lehtë për çdokënd.

Fondacioni “ALSAR” përpiqet gjatë gjithë vitit t’u vijë në ndihmë të pamundurve, familjeve në nevojë, fëmijëve jetimë.
Kjo ndihmë merr vlerë të veçantë në muajin e bekuar të Ramazanit, si një lehtësim i vështirësive ekonomike dhe si shprehje e solidaritetit njerëzor. Mirënjohje meriton kontributi i TİKA-s për fëmijët jetimë të ndihmuar nga “ALSAR”-i!

“ndihmesa për jetimin, ndihmë e shquar për shëndetin moral të shoqërisë”

Fondacioni “Alternativa e së Ardhmes” (ALSAR) organizoi me datë 30 korrik 2019 në Sallën “Unesko” të Muzeut Historik Kombëtar në Tiranë një veprimtari kushtuar fëmijëve jetimë “Ndihmesa për jetimin, ndihmë e shquar për shëndetin moral të shoqërisë”, ku u realizua dhe shpërndarja e ndihmës monetare dhe dhuratave për fëmijët pjesëmarrës.

Në këtë aktivitet, ku ishin të pranishëm fëmijë jetimë nga e gjithë Shqipëria, merrnin pjesë Kryetari i Unionit të Organizatave të Shoqërisë Civile të Botës Islame Z. Ali Kurt, Kryetari i Organizates Wefa Z. Musab AYDIN, përfaqësues të Organizatave të Shoqërisë Civile të Botës Islame.

ALSAR, përmes zhvillimit të këtij projekti ndër vite ka synuar të ofrojë një ndihmesë dhe përkujdesje për fëmijët jetimë, në drejtim të lehtësimit të vështirësive ekonomike familjare, si dhe të edukimit dhe të arsimimit të tyre, duke e konsideruar këtë si një ndihmesë modeste, por pozitive dhe shumë të rëndësishme jo vetëm për fëmijët jetimë, por edhe për të ardhmen e mbarë shoqërisë shqiptare.

Programi artistik i këtij aktiviteti ishte i larmishëm. Ai u alternua me:

Interpretimin e këndimit të Kuranit Famëlartë; Himnet kombëtare, si dhe fjalët përshëndetëse të:

Ø Kryetarit të Fondacionit ALSAR, z. Mehdi Gurra, i cili paraqiti një pasqyrim të shkurtër të veprimtarisë së Fondacionit ALSAR ndër vite dhe shërbimeve që ajo ofron për fëmijët jetimë e më gjerë. Në përfundim të fjalës së tij, Z. Gurra falënderoi të gjithë donatorët, veçanërisht Fondacionin WEFA, i cili bëri të mundur ofrimin e donacionit në ndihma financiare dhe dhurata.

Ø Kryetarit të Organizates WEFA me qendër në Gjermani, Z. Musab AYDIN si dhe

Ø Kryetarit të Unionit të Organizatave të Shoqërisë Civile të Botës Islame Z. Ali Kurt.

Prezantimi i repertorit të pasur të ansamblit artistik të fëmijëve, krijoi një atmosferë elektrizuese me këngë e valle nga treva të ndryshme të Shqipërisë të veshur me kostume popullore duke shpalosur në sallë një larmi ngjyrash e tingujsh që përfshinë dhe entuziazmuan fëmijët dhe të ftuarit. Spektakli vijoi me performancën e mrekullueshme të artistit të mirënjohur Met Selimi.

Në përmbyllje të këtij aktiviteti, fëmijëve iu shpërndanë dhurata në artikuj veshmbathje si dhe ndihma financiare në vlerën e 28 eurove në muaj për periudhën e 3 mujorit të dytë të vitit 2019 mundësuar falë ndihmës dhe kontributit te Organizatës WEFA me qendër në Gjermani.

“DITËT E SOLIDARITETIT NE NDIHME TE NJEREZEVE NE NEVOJE”

Bamirësia nuk njeh kufij, në vijimesi të programit “Ditët e solidaritetit” ndalesa e radhës ishte në Konispol, ku u zhvilluan 2 projekte në ndihmë të komunitetit të banorëve të kësaj zone. Projekti i parë konsistoi në dhurimin e pajisjeve elektronike (10 laptop dhe 10 televizore si dhe mjete kancelarike) në ndihmë të shkollave publike dhe nxënësve të kësaj njësie administrative. Ndërsa përmes realizimit të projektit të dytë u mundësua dhurimi i pakove ushqimore për 50 familjet në nevojë të kësaj zone. Kurorëzimi i suksesshëm i këtyre projekteve u mundësua falë ndihmës dhe mbështetjes së ofruar nga kryetari i Bashkisë së qytetit të Afyonit në Turqi, Z. Burhanetin Çoban, i cili gjate kësaj periudhe 3 vjecare ka dhene një kontribut të çmuar në ndihmë të komunitetit te banoreve te Konispolit, si një nga shembujt e dashamirësisë, dhe vëllazërisë që ekziston ndërmjet dy popujve tanë.