Category Page: Kulturore

    Promovohet në qytetin e Shkodrës botimi i ALSAR-it në dy vëllime, “Shkodra – Histori që gjallon me reliket e saj”

    Vetëm pak muaj pasi Botimet ALSAR nxorën nga shtypi një vepër dyvëllimëshe të autores Zenepe Dibra, “Shkodra – Histori që gjallon me reliket e saj”, në qytetin e Shkodrës u zhvillua një aktivitet promovues.

    Promovimi i veprës u bë të enjten, më 26 shtator, në Kinema Republika, në praninë e të interesuarve të shumtë që kishin mbushur sallën.

    Autorja e veprës çmoi në fjalën e mbajtur angazhimin botues të ALSAR-it dhe shprehu mirënjohjen e saj e të qytetarëve të Shkodrës për këtë kontribut. Falënderim të posaçëm i përcolli ajo botuesit.

    Në promovim u shfaq dhe një dokumentar i RTSH-së, i nxitur nga botimi.

    Të pranishmit në promovim i përshëndeti znj. Sidita Halluni në emër të Fondacionit ALSAR.

    Kryetari i Fondacionit ALSAR zhvilloi një vizitë në Ambasadën e Shtetit të Kuvajtit

    Drejtuesi i Fondacionit ALSAR, z. Mehdi Gurra, zhvilloi këtë të premte një vizitë në Ambasadën e Shtetit të Kuvajtit në Tiranë.

    Ai u prit në këtë takim pune nga i ngarkuari me punë, z. Adnan Alghunaim.

    Në takim u bë paraqitja e aktivitetit të Fondacionit ALSAR në vite, me fokus të bisedës dhe në kontributet e institucioneve dhe organizatave kuvajtiane për realizimin e projekteve të ndryshme humanitare në ndihmë të shtresave në nevojë në vendin tonë, veçanërisht në ndihmë të fëmijëve jetimë.

    Bashkëbiseduesit folën mbi mundësinë e zgjerimit të bashkëpunimit të Fondacionit ALSAR me institucione të ngjashme në shtetin e Kuvajtit. U theksua krijimi i urave të reja të bashkëpunimit përmes ambasadës dhe forcimi i marrëdhënieve institucionale.

    Takimin u mbizotërua nga fryma miqësore dhe shkëmbimi i dobishëm i ideve. I ngarkuari me punë u urua për detyrën, ndërsa u dhuruan dhe titujt më të rinj të Botimeve ALSAR.

    Akademikë nga Malajzia vizitojnë Fondacionin ALSAR

    Mjediset e Fondacionit ALSAR i vizitoi këtë javë një grup akademikësh nga Malajzia, në kuadër të një turneu në Ballkan.

    Ata u pritën nga kryetari i Fondacionit ALSAR, z. Mehdi Gurra, i cili u uroi mirëseardhjen dhe i njohu me veprimtarinë e gjerë të institucionit.

    Mysafirët e ndoqën me vëmendje fjalën e mikpritësit, të interesuar për të mësuar mbi aspekte të jetës sociale dhe akademike në vendin tonë.

    Kërkimi i mundësive dhe hapësirave për bashkëpunime ndërinstitucionale zuri vend në bisedën me mysafirët malajzianë.

    Vizitorët shprehën mirënjohjen për ngrohtësinë me të cilën u pritën dhe i uruan kreut të fondacionit më të mirat në aktivitetin e lavdërueshëm humanitar, arsimor dhe kulturor.

    Java kulturore turke në Tiranë, hapet me një ceremoni ekspozita në Bibliotekën Kombëtare

    Kulturës turke i është dhënë gjatë kësaj jave një hapësirë e gjerë në kryeqytetin e Shqipërisë, për të bërë të njohura elemente të çmuara të thesarit të saj.

    Një varg aktivitetesh kanë nisur e po ndiqen nga dashamirës e njohës të kulturës së pasur turke, me ndikim të fortë në Ballkan, e posaçërisht te shqiptarët, si bashkudhëtarë në një kohë të gjatë historike.

    Me këtë rast, të enjten u hap në qendrën “Sotir Kolea”, të Bibliotekës Kombëtare, ekspozita e titulluar, “Copëza nga kultura turke”.

    Drejtues të institucioneve turke dhe shqiptare, njerëz të kulturës, punonjës të mjeteve të informimit, nxënës dhe të interesuar ishin të pranishëm në ceremoninë e hapjes së ekspozitës. Fondacioni ALSAR e ndoqi veprimtarinë kulturore nëpërmjet pranisë së përfaqësuesve të tij në ceremoni.

    Fjalët e zëvendësministrit turk të Tregtisë, z. Mahmut Gürcan, dhe të ambasadorit të Turqisë në vendin tonë, z. Tayyar Kağan Atay, kishin në themel të tyre shprehjen e rëndësisë së zhvillimit të aktiviteteve të tilla në forcimin e marrëdhënieve mes dy vendeve.

    Ekspozita, e cla do të qëndrojë e hapur deri të dielën, më 15 shtator, u mundëson vizitorëve informacion të dobishëm në shqip dhe turqisht mbi kulturën turke, të ilustruar në një sërë këndvështrimesh.

    Java e Kulturës Turke përmban dhe aktivitete muzikore në Tiranë dhe Durrës.

    Fondacioni ALSAR vlerësohet dhe nderohet në Konferencën Ndërkombëtare mbi Shkencën dhe Teknologjinë e Qëndrueshme

    Në mjediset e Universitetit “Aleksandër Moisiu” në Durrës nisi këtë të mërkurë Konferenca Ndërkombëtare mbi Shkencën dhe Teknologjinë e Qëndrueshme (ICONST 2024).

    Atë e organizon Universiteti “Aleksandër Moisiu”, në partneritet me disa universitete dhe institucione të tjera, vendase dhe të huaja, nga Turqia, Bosnjë-Hercegovina, Mali i Zi, Kosova.

    Konferenca nisi me ceremoninë hapëse dhe me një fjalë përshëndetëse të rektorit të universitetit mikpritës.

    I pranishëm në punimet hapëse të saj ishte dhe drejtori administrativ i Fondacionit ALSAR, z. Saimir Rusheku.

    Në konferencë u çmua kontributi i spikatur i Fondacionit ALSAR në mbështetje të iniciativave kërkimore-shkencore në kuadër të veprimtarisë së tij arsimore dhe kulturore, dhe u dha një pllakatë mirënjohjeje me këtë rast. Pllakata iu dorëzua përfaqësuesit të fondacionit, z. Saimir Rusheku.

    Fondacioni ALSAR prej një kohe të gjatë ka fituar reputacionin e një enti që e mbështet pa rezerva aktivitetin akademik.

    Konferenca i zhvillon punimet në tre ditë, deri më 6 shtator, me një gamë të gjerë tematike.

    Përfundojnë ditët plot me veprimtari në kampin veror në Turqi, përvojë e mrekullueshme për djemtë dhe vajzat e kurseve të gjuhës turke

    Përgjatë një jave, në ditët në mbarim të gushtit, ndjekësit e kurseve të gjuhës turke të organizuara nga Fondacioni ALSAR iu bashkuan kampit veror në Turqi, një aktiviteti të gjerë dhe dinamik me të rinj e të reja nga vende të ndryshme, nga Ballkani e më tej.

    Në qëndrimin e tyre në dy qytete, në Edirne dhe Çanakala, 90 kursistët e kurseve të turqishtes në Tiranë, Kukës dhe Konispol, patën mundësinë të njihen me kulturën turke, me ngjarje madhore në historinë e Turqisë, të shohin nga afër objekte të traditës e të ndalojnë në vende ku përkujtohet epopeja çlirimtare e popullit turk.

    Drejtues institucionesh hapën dyert për pjesëmarrësit në kampin veror, i mirëpritën dhe iu përgjigjën me tërë gatishmërinë interesit rinor për të ditur sa më tepër për funksionimin institucional.

    Qendra rinore e Edirnesë u shndërrua në një vendpritje të dashur, në një hapësirë tërë jetë ku koha rrodhi shpejt. Vizitat në mjediset arsimore qenë me interes për ata që e mendojnë veten e tyre në to në të ardhmen në rrugën e dijes.

    Ditët ishin të mbushura me veprimtari të shumëllojshme, me takime, lojëra, etj., në ndërveprim dhe shoqëri me bashkëmoshatarë.

    Kampi veror në Turqi do të mbetet gjatë në kujtesën e pjesëmarrësve, posaçërisht të atyre nga vendi ynë, si një eksperiencë me gjithçka të bukur brenda saj.