Category Page: Kulturore

    Gjimnazistët e shkollës “Havzi Nela” në Kukës vënë në skenë komedinë “Shi në plazh” me mbështetjen financiare të Fondacionit ALSAR

    Komedia e mirënjohur dhe shumë e dashur për publikun artdashës, “Shi në plazh”, me skenar të të ndjerit Teodor Laço, është vënë në skenë në Pallatin e Kulturës të Kukësit nga gjimnazistë të shkollës së mesme “Havzi Nela” dhe nga ndjekës të kurseve të gjuhës turke në qytetin verior.

    Veprimtaria artistike u ideua nga Qendra Kulturore e Bashkisë së Kukësit për të gjallëruar jetën kulturore-artistike të qytetit pas pandemisë, duke patur në qendër të vëmendjes brezin e ri.

    Vënia në skenë e komedisë u bë e mundur me mbështetjen financiare të Fondacionit ALSAR, i cili u tregua i gatshëm t’i përgjigjej pozitivisht kërkesës së Qendrës Kulturore.

    Përfshirja e ndjekësve të kurseve të gjuhës turke në përgatitjen dhe në vënien në skenë të komedisë synonte të shprehte forcën e bashkëpunimit kulturor shqiptaro-turk.

    Shfaqjen e ndoqën autoritete vendore, mësues dhe drejtues të shkollës së mesme “Havzi Nela”, nxënës dhe qytetarë. Ata duartrokitën lojën skenike të aktorëve gjimnazistë, mjaft tërheqëse për nivelin e tyre amator.

    Fondacioni ALSAR u nderua me një certifikatë mirënjohjeje, dhënë nga Bashkia e Kukësit për kontributin në gjallërimin dhe pasurimin e jetës kulturore të qytetit, për mbështetjen dhe bashkëpunimin e suksesshëm.

    [rev_slider slidertitle=”postim alsar kulturore kukes” alias=”postim-alsar-kulturore-kukes”]

    Fondacioni ALSAR mbledh në iftar personalitete, bashkëpunëtorë dhe mirëdashës

    Në mesin e muajit të Ramazanit, të agjërimit, të shprehjes së përshpirtshmërisë dhe adhurimit, Fondacioni ALSAR shtroi një iftar në Hotel “Tirana International”.

    Iftarin e nderuan me pjesëmarrjen e tyre personalitete të fushave të ndryshme, drejtues lokalë, përfaqësues të trupit diplomatik, mysafirë nga përtej kufijve shtetërorë, politikanë, pjesëtarë dhe aktivistë të shoqërisë civile, hoxhallarë, bashkëpunëtorë të ALSAR-it dhe admirues të aktivitetit të tij.

    Kryetari i Fondacionit ALSAR, z. Mehdi Gurra, ua uroi të pranishmëve mirëseardhjen ndërsa mbajti një fjalë të shkurtër.

    Ai shprehu kënaqësinë për rikthimin te tradita e shtrimit të këtij iftari, ndërprerë për një kohë prej pandemisë, foli për atë periudhë të vështirë, dhe vuri në pah arritjet e vazhdueshme të ALSAR-it, me theks të veçantë te botimet. Të ftuarve u uroi agjërim të pranuar dhe shëndet!

    Në iftar përshëndeti dhe zëvendëskryetari i Bashkisë së Tiranës, z. Andi Seferi, që e shfrytëzoi rastin për të thënë fjalët më të mira për Fondacionin ALSAR dhe për aktivitetin e tij shembullor.

    Ambienti i këndshëm, pritja e ngrohtë, ushqimi i zgjedhur, dhe meloditë bashkëshoqëruese, krijuan atmosferën e duhur për një përjetim sa më të mirë të iftarit.

    [rev_slider slidertitle=”postim alsar iftar” alias=”postim-alsar-iftar-32222″]

    Botimi i dytë i serisë për gjashtë qytete ballkanike, me dokumente arkivore osmane dhe në tre gjuhë

    Fondacioni ALSAR sapo ka bërë botimin e dytë të serisë prej gjashtë librash kushtuar së shkuarës së Shkupit, Selanikut, Prizrenit, Pejës, Manastirit dhe Janinës.

    Botimin e dytë në një kohë kaq të shkurtër nga dalja e të parit e nxiti interesi i madh me të cilin u pritën fillimisht librat. Suksesi i botimit të parë çoi menjëherë në botimin e të dytit, për t’iu përgjigjur kërkesës së publikut.

    Botimet përmbajnë dokumente të qëmtuara në arkivat osmane në Stamboll, si dhe ilustrime të shumta. Cilësinë e botimit të historive të këtyre qyteteve e shton pa dyshim karakteri tregjuhësh, në shqip, turqisht dhe osmanisht.

    Lexuesi do të mësojë nëpërmjet kësaj serie mbi gjallërinë e këtyre qyteteve gjatë periudhës osmane, mbi jetën sociale, kulturore, tregtare, fetare, mbi përbërjen demografike, objektet e kultit, etj.

    Përmbajtjes së pasur dhe me shumë të dhëna të teksteve përkatëse i ka hije paraqitja e jashtme e librave, punuar në çdo element me mjaft kujdes.

    [rev_slider slidertitle=”postim alsar botimet alsar” alias=”postim-alsar-sbotimet-alsar-6″]

    Rektori i Universitetit “18 Marsi” të Çanakalasë viziton Fondacionin ALSAR

    Fondacionin ALSAR e vizitoi, më 1 prill, rektori i Universitetit “18 Marsi” të Çanakalasë.

    Prof. dr. Sedat Murat u prit nga kryetari i Fondacionit ALSAR, z. Mehdi Gurra, me të cilin pati një bisedë të këndshme dhe dobiprurëse.

    Bisedën e mbizotëroi njohja e ndërsjelltë me arritjet e dy institucioneve, si dhe një shkëmbim idesh për forcim marrëdhëniesh dhe bashkëpunim.

    Mehdi Gurra i bëri mysafirit të nderuar nga Turqia një panoramë të aktivitetit të Fondacionit ALSAR, ndalur më në veçanti në veprimtaritë arsimore, të ndihmës së dhënë nxënësve dhe studentëve në vite, të mbështetjes me bursa, etj.

    Marrëdhëniet vëllazërore shqiptaro-turke patën hapësirën e tyre po ashtu në bisedë, vënë në pah me kënaqësi.

    Rektori i Universitetit “18 Marsi” të Çanakalasë i shprehu mikpritësit mirënjohjen për të gjithë angazhimin e tij të vazhdueshëm për forcimin e këtyre marrëdhënieve. Fjalët më të mira, tha ai, dhe për aktivitetin e Fondacionit ALSAR në tërësi.

    Vizita u mbyll me falënderimet e rektorit, prof. dr. Sedat Murat, për mikpritjen.

    ALSAR në panair, botimet tona i paraqiten publikut në Pallatin e Kongreseve

    Fondacioni ALSAR ia sjell më pranë lexuesit botimet e tij nëpërmjet hapësirës së posaçme në panairin e produkteve hallall.

    I hapur në mjediset e Pallatit të Kongreseve, “Albanian Halal Expo” vijon për tre ditë me radhë, nga 26 në 28 mars.

    Vizitorëve në panair u jepet mundësia të njihen me aktivitetin tonë botues dhe me titujt më të fundit të Botimeve ALSAR.

    Blerësit e librit kanë ç’të përzgjedhin mes dhjetëra titujve të tematikave të ndryshme.

    Me shtimin e botimeve, ALSAR ka shtuar dhe pjesëmarrjen në panaire, duke iu përgjigjur interesit të publikut.

    [rev_slider slidertitle=”postim alsar botimet 2022″ alias=”postim-alsar-nbotimet-alsar”]

    Leksione dhe certifikata për imamët e mbledhur në Golem për trajnim

    Në fokusin e veprimtarisë së Fondacionit ALSAR vazhdon të jetë dhe përgatitja sa më e mirë e imamëve, teorike dhe praktike, për të qenë të aftë ta ushtrojnë si duhet detyrën.

    Një aktivitet i tillë për përgatitjen e imamëve u zhvillua gjatë tre ditëve në Golem, më 24-26 mars.

    Projekti i trajnimit, një organizim i përbashkët i Fondacionit ALSAR dhe Hayrat-it, me qendër në Turqi, mblodhi 25 imamë nga qytete të ndryshme të vendit.

    Tre lektorë nga Turqia, profesorë të teologjisë, mbajtën leksione teoriko-praktike, të ndjekura me shumë vëmendje nga imamët e pranishëm në trajnim.

    Në ditën e fundit të trajnimit, këtë të shtunë, imamët u pajisën dhe me certifikatat përkatëse.

    Projekti i realizuar në Golem ishte i treti në radhë në harkun kohor të pesë muajve të fundit. Zhvillimi i këtyre projekteve për trajnimin e imamëve është një veprimtari në vijim e Fondacionit ALSAR.

    [rev_slider slidertitle=”postim alsar Leksione dhe certifikata për imamët” alias=”postim-certifikata-imamet”]