Mjediset e Fondacionit ALSAR janë mbushur me fëmijë jetimë që kanë marrë ndihmën financiare të zekatit.

Të pritur ngrohtë, ata kanë marrë zarfat me ndihmën e zekatit dhe janë qerasur nga punonjësit.

Ndihma financiare e zekatit u përfitua nga 50 fëmijë jetimë.

Realizimin e projektit e mbështeti organizata e ndihmave me qendër në Gjermani, WEFA.

Fondacioni ALSAR dhe WEFA zhvilluan së bashku disa aktivitete humanitare në këto ditë Ramazani në ndihmë të shtresave në nevojë.

Fushata e realizimit të projekteve humanitare në ditët e solidaritetit humanitar gjatë muajit të Ramazanit ka vijuar këtë të mërkurë me dhurimin e veshmbathjeve për fëmijë jetimë.

Shpërndarja është bërë në ambientet e Fondacionit ALSAR, në një atmosferë të vërtetë feste.

Artikuj veshmbathjeje janë dhënë për 262 jetimë, në prag të Bajramit.

Aktivitetin e mbështeti WEFA, organizata e ndihmave ndërkombëtare me qendër në Gjermani.

Ajo ka mbështetur disa aktivitete humanitare gjatë këtyre ditëve në vendin tonë në ndihmë të shtresave në nevojë.

Projektet e shtrimit të iftareve dhe të dhënies së vakteve të paketuara të iftareve ndjekin njëri-tjetrin ndërsa muaji i Ramazanit hyn në javën e fundit të tij.

Ato i mbështeti gjatë këtyre ditëve dhe WEFA, organizata e ndihmave ndërkombëtare me qendër në Gjermani.

Për anëtarë të Shoqatës së Paraplegjikëve dhe Tetraplegjikëve të Shkodrës u shtrua iftar në një ambient të gjerë.

Në Tiranë, për shtresa në nevojë dhe pjesëtarë të komunitetit rom u shpërndanë vakte të paketuara iftari, për t’u ngrënë në mjedise familjare.

Me mbështetjen e WEFA-s, u dhanë në tërësi iftare për 500 persona.

Ky ent humanitar mbështeti dhe disa veprimtari të tjera, nën organizimin e Fondacionit ALSAR, dhe të gjitha në ditë të solidaritetit human në Ramazan.

Në valën e aktiviteteve humanitare të këtyre ditëve, të martën është realizuar shpërndarja e ndihmave ushqimore në njësinë administrative të Bërzhitës.

Pakot me artikuj ushqimorë janë shpërndarë në qendrën e njësisë, e njëkohësisht janë dërguar dhe në familje nevojtarësh.

Ndihma e dhënë, me mbështetjen nga WEFA, me qendër në Gjermani, përbëhej nga 200 pako me ushqime.

Të mbështetura nga kjo organizatë ndërkombëtare ndihmash do të jenë dhe disa veprimtari të tjera humanitare që do të zhvillohen këtë javë.

Zhvillimi i projekteve humanitare në ndihmë të komuniteteve dhe shtresave në nevojë është përparësi e Fondacionit ALSAR në muajin e Ramazanit, për sadopak lehtësim ekonomik dhe për ta përçuar ngado frymën e solidaritetit.

Ndërsa Ramazani ka hyrë në dhjetëditëshin e fundit, Fondacioni ALSAR vazhdon të realizojë me intensitet projekte humanitare në ndihmë të shtresave në nevojë.

Aktiviteti i radhës u zhvillua këtë të hënë në njësinë administrative të Petrelës, ku u shpërndanë pako me ushqime.

Projekti u realizua në koordinim me njësinë administrative të Petrelës, si pjesë e kontingjentit të ndihmave të dhënë Bashkisë së Tiranës.

Pakot ushqimore i përfituan 150 familje të kësaj njësie, pjesë e shtresave sociale në nevojë.

Me mbështetjen nga TİKA, Agjencia Turke për Bashkëpunim dhe Koordinim, aktiviteti ishte në kuadër të ditëve të solidaritetit human përgjatë këtij muaji.

Për banorë të zonës së Labinotit në Elbasan, agjërues në Ramazan, u shtrua të dielën një iftar.

Organizuar me mbështetjen nga IHH me qendër në Holandë, iftari ishte për 200 persona. Në të ishin të pranishëm dhe përfaqësuesit e këtij organizmi humanitar, si dhe kryetari i Fondacionit ALSAR, z. Mehdi Gurra.

Me iftarin u mbyllën dy ditë me aktivitete humanitare të mbështetura nga IHHNL-ja.

Shtrimi i iftareve është një prej projekteve që ALSAR e realizon për çdo vit në muajin e agjërimit, me ushqim të ngrohtë apo me vakte të paketuara, që mund të hahen dhe në shtëpi.

Muaji i Ramazanit është i mbushur me veprimtari humanitare të zhvilluara nga Fondacioni ALSAR, shpesh si bashkëpunime me organizata partnere.