Ndër veprimtaritë humanitare të zhvilluara një ditë më parë qe dhe shpërndarja e pakove me ushqime për nevojtarë.

Artikuj bazë ushqimorë u dhanë si ndihmë në kuadër të zhvillimit të projekteve humanitare dimërore.

Në ditë solidariteti human, pakot u shpërndanë në mjediset e Fondacionit ALSAR për 100 familje jetimësh.

Shpërndarja e pakove ushqimore ishte pjesë e një pakete të tërë ndihme për jetimët dhe familjet e tyre.

I angazhuar për t’u qëndruar pranë shtresave në nevojë, Fondacioni ALSAR zhvillon në mënyrë të vazhdueshme veprimtari humanitare, me fokus të veçantë në fëmijët jetimë. Partnerë ndërkombëtarë e mbështesin shpesh realizimin e projekteve tona humanitare.

Në kuadër të misionit humanitar të Fondacionit ALSAR për t’u qëndruar pranë shtresave në nevojë dhe të realizimit të projekteve humanitare dimërore, në fundjavë u dhuruan për fëmijë jetimë veshje për stinën e ftohtë.

Paketa e ndihmës dimërore me veshmbathje përmbante tre apo katër artikuj për çdo fëmijë, xhupa, pantallona, bluza, etj.

Shumë prej tyre e morën dhuratën në veshje në ambientet e Fondacionit ALSAR, dhe të tjerë patën mundësi të zgjidhnin gjëra për veten në një qendër tregtare në kryeqytet.

Ndihmën e përfituan 80 fëmijë jetimë, të shoqëruar nga familjarë në marrjen e saj dhe të lumturuar me veshjet e reja.

E diela e 11 dhjetorit ishte një ditë e kushtuar jetimëve dhe ndihmës për ta, me projekte të ndryshme të zhvilluara brenda disa orëve.

Fëmijë jetimë nën përkujdesin e vazhdueshëm të Fondacionit ALSAR morën në ditën e fundit të javës, më 11 dhjetor, ndihmën financiare të zekatit.

Zarfat me shumën përkatëse u shpërndanë për 50 jetimë në mjediset e fondacionit, në praninë e përfaqësuesve të WEFA-s, organizatës me qendër në Gjermani, mbështetëse e projektit.

Dhënia e ndihmës financiare të zekatit u krye në kuadër të një vargu aktivitetesh të kushtuara jetimëve.

Fondacioni ALSAR e çmon përkujdesin e pandërprerë për jetimët si një kontribut për shoqërinë dhe të ardhmen e saj.

Projektet humanitare dimërore përfshijnë një gamë të gjerë veprimtarish në ditë solidariteti me shtresat në nevojë.

Me ardhjen e dimrit, dhe në ditë të solidaritetit human me shtresat në nevojë, të dielën, më 11 dhjetor, u zhvilluan disa veprimtari humanitare në ndihmë të jetimëve dhe familjeve të tyre.

Pjesë e projekteve humanitare dimërore ishte shpërndarja e druve të zjarrit dhe e sobave për ngrohje për familje të fëmijëve jetimë.

Edhe pse në kushte të vështira atmosferike, me reshje të vazhdueshme shiu, shpërndarja u krye sipas planit.

Një ndihmë me shumë vlerë ishin sobat e drurit, të dhuruara për dhjetë familje jetimësh. Ndihmë tjetër e dhënë qenë drutë e zjarrit, shpërndarë për pesëdhjetë familje të jetimëve. Çdonjëra prej tyre mori një metër kub dru.

Projekti u mbështet nga WEFA, me qendër në Gjermani, me pjesëmarrjen në shpërndarje të tre përfaqësuesve të saj.

Në kuadër të aktiviteteve humanitare të Fondacionit ALSAR, nisi dje shpërndarja e fidanëve të arrave për familje të fëmijëve jetimë.

Shpërndarja do të ketë një fazë të dytë për t’u plotësuar, disa ditë më pas, dhe jashtë caqeve të Tiranës, në qytete të tjera.

Nëpërmjet dhurimit të fidanëve të arrave synohet të përmirësohet ekonomia familjare e jetimëve. Pra, është fjala për një ndihmë me efekte afatgjata për familje në nevojë që kanë mundësi të mbjellin fidanë.

Projektin e mbështet WEFA, organizata e ndihmave me qendër në Gjermani, me të cilën Fondacioni ALSAR ka një bashkëpunim të gjatë dhe të frytshëm.

Në partneritet mes dy institucioneve do të zhvillohen në fundjavë dhe disa veprimtari të tjera humanitare kushtuar jetimëve.

Pas argëtimit këtë të mërkurë me lojëra të ndryshme në qendrën zbavitëse, fëmijët shijuan ushqimin e drekës së përbashkët, nën shoqërinë e më të rriturve, familjarë të tyre.

Dreka përbënte një lloj mbylljeje të pesë ditëve të mbushura me aktivitet humanitar në ndihmë të jetimëve.

Vizitat në shtëpi jetimësh, shpërndarja e dhuratave dhe pakove ushqimore, organizimi i veprimtarisë argëtuese në qendrën e lojërave, i paraprinë uljes së përbashkët sot në tavolinë.

Veç ushqimit të shijuar së bashku, dreka i shërbeu njohjes dhe miqësimit të fëmijëve jetimë dhe të familjarëve shoqërues.

Shtrimi i drekës së përbashkët për jetimët është një aktivitet i organizuar dhe në të shkuarën nga Fondacioni ALSAR, gjithmonë në kërkim të më së mirës për ta.