Gjatë ditës së sotme Fondacioni ‘Alsar’ e shtriu aktivitetin e tij drejtë skajit më jugor të hartës së Republikës së Shqipërisë, në qytetin e Konispolit.

Duke e konsideruar dijen dhe nxënjen e saj si shërbimin më të mirë ndaj rinisë shqiptare, Fondacioni ‘Alsar’ çertefikoi nxënësit e shkollës ‘Bido Sejko’ të cilët ja arritën të mësojnë me sukses gjuhën turke.

Në ceremoninë e mbajtur në ambientet e Shkollës së Mesme të Bashkuar ‘Bido Sejko’ ishte i pranishëm edhe shkëlqesia e tij, Ambasadori i Republikës së Turqisë në Tiranë Tayyar Kağan Atay , drejtuesi i Fondacionit ‘Alsar’ z. Mehdi Gurra, drejtuesja e ‘TIKA’ Emine Gizem Başkan, atasheu arsimor pranë Ambasadës së Republikës së Turqisë në Tiranë Metin Bulut, Kryetari i Bashkisë Konispol z.Shuaio Beqiri dhe Kryetari i Bashkisë Konispol në ardhje Ergest Dule.

Duhet theksuar se i gjithë delegacioni i ardhur nga Tirana u prit përzemërsisht nga qytetarët e Konispolit.

Gjatë këtij eventi drejtuesi i Fondacionit ‘Alsar’ Z.Mehdi Gurra shprehu falenderimin për të gjithë qyterarët e Konispolit, për nxënësit dhe studentët pjesmarrës në mësimdhënien e gjuhës turke,  gjithashtu shprehu edhe rëndësinë që mbart mësimi i kësaj gjuhe nga shqiptarët; kjo për shkak të frymës së raporteve tepër pozitive midis dy popujve, por edhe mbi të ardhmen universitare e post-universitare për nxënësit dhe studentët të gjuhës turke në qytetin e Konispolit, të cilët tashmë do i kenë më të lehtë të transferojnë studimet në Republikën e Turqisë.

Fjala e drejtuesit të Fondacionit ‘Alsar’ z.Gurra u përshëndet ngrohtë me duartrokitje në shenjë falenderimi nga pjesmarrësit në aktivitet.

Pas fjalës së drejtuesit të ‘Fondacionit Alsar’ z.Mehdi Gurra, fjala ishte për Z.Tayyar Kağan Atay, Ambasadori i Republikës së Turqisë në Tiranë i cili gjatë fjalës së tij përshëndeti nxënësit dhe studentët që ndoqën mësimdhënien e gjuhës turke, gjithashtu shprehu edhe garancinë e tij për të mbështetur të rinjtë nga qyteti i Konispolit me gjithë vullnetin e tij për asistencë në studime në Republikën e Turqisë dhe për një të ardhmë më të mirë për sa i përket profesionalizmit.

Fjala e Ambasadorit të Republikës së Turqisë u prit me duartrokitje dhe me valvitjen e flamujve shqiptarë dhe turk nga nxënësit e pranishëm në ceremoni si simbol të miqësisë e vëllazërisë ndaj popujve.

Në përfundim të ceremonisë për 13 nxënësit dhe studentët e turqishtes në qytetin e Konispolit u shpërndanë çertefikata personale mbi njohjen e gjuhës turke, gjithashtu në formë shpërblimi për mundin dhe për rezultatet e shkëlqyera në këtë sezon mësimdhënie u akorduan si dhuratë për çdo nxënës nga një smart tablet.

Aktiviteti vijoji në brëndësi të ambienteve të shkollës ‘Bido Sejko’ ku stafi pedagogjik dhe nxënësit e shkollës kishin organizuar një panair me prodhime artizanale, piktura e sende antike të zonës së Konispolit.

Përgjatë ditë së sotme dorëzimi i çertefikatave për nxënësit e studentët që ndoqën mësimdhënien e gjuhës turke nuk ka qenë aktiviteti i vetëm për ‘Fondacionin Alsar’. Pas aktivitetit të parë, për studentët e ekselencës në universitetet publike shqiptare u shpërndanë bursa ekselence.

Nga akordimi i këstit të dytë të bursave për studentët e ekselencës përfituan tetëdhjetë studentë nga fakultete dhe degë të ndryshme, për të cilët mbështetja nga ‘Fondacioni Alsar’ do të vijojë edhe në të ardhmen.

Pjesë e kësaj ceremonie ishte edhe shkëlqesia e tij, Ambasadori i Republikës së Turqisë në Tiranë Z.Tayyar Kağan Atay ku sëbashku me drejtuesin e Fondacionit ‘Alsar’ Z.Mehdi Gurra i shpërndanë bursat 47 studentëve të ekselencës.

‘Fondacioni Alsar’ do qëndrojë përkrah çdo studenti ekselence për të krijuar kushtet e duhura të studimit dhe për të nxitur studentët shqiptar për të dhënë maksimumin në studime.

‘Fondacioni Alsar’ nuk ndalon së qeni pranë rinisë shqiptare. Përgjatë ditës së sotme, në ambientet e ‘Tirana International Hotel’ u organizua ceremonia e çertefikimit të studentëve dhe nxënësve të gjuhës turke. Mësimdhënia e gjuhës turke përbën një element arsimor të përhershëm në ‘Fondacionin Alsar’.

Gjatë këtij eventi drejtuesi i Fondacionit ‘Alsar’ Z. Mehdi Gurra shprehu falenderimin për të gjithë nxënësit dhe studentët pjesmarrës në mësimin e gjuhës turke, gjithashtu shprehu edhe rëndësinë që mbart mësimi i kësaj gjuhe nga shqiptarët; kjo për shkak të frymës së raporteve tepër pozitive midis dy popujve, por edhe mbi të ardhmen pas-arsimore për nxënësit dhe studentët. Fjala e drejtuesit të Fondacionit ‘Alsar’ Z.Gurra u përshëndet ngrohtë me duartrokitje në shenjë falenderimi nga pjesëmarrësit në sallë.

Prezent në sallën e tejmbushur nga nxënës dhe studentë tashmë turqishtfolës ishte edhe shkëlqesia e tij Z.Tayyar Kağan Atay , Ambasadori i Republikës së Turqisë në Tiranë i cili gjatë fjalës së tij përshëndeti nxënësit dhe studentët që ndoqën mësimdhënien e gjuhës turke, gjithashtu shprehu edhe garancinë e tij për të mbështetur të rinjtë shqiptar me gjithë vullnetin e tij për një të ardhmë më të mirë në aspektin arsimor.

Në përfundim të aktiviteti, për 56 nxënësit dhe studentët e turqishtes u shpërndanë çertefikata personale mbi njohjen e e gjuhës turke. Gjithashtu në formë shpërblimi për mundin dhe për rezultatet e shkëlqyera në këtë sezon mësimdhënieje u akorduan edhe honorare ekonomike për të gjithë pjesmarrësit e kursit.

Projekti i tretë i realizuar në qarkun e Kukësit në të premten e fundit të janarit u dedikohej sërish nxënësve të dy shkollave publike.

Një aktivitet humanitaro-arsimor, ai do të zhvillohej në shkollat “Përbreg” dhe “Elmaz Ademi”.

Për nxënësit e këtyre shkollave u dhuruan 100 çanta, shpërndarë 50 në njërën shkollë e 50 në tjetrën. Bashkë me çantat, nxënësit morën dhe mjete të tjera mësimore.

Shpërndarjen e bënë punonjës të Fondacionit ALSAR, pritur me dashuri dhe të falënderuar për ndihmën e dhënë.

Dhurimi i çantave dhe mjeteve shkollore është një prej projekteve të realizuara në mënyrë të vazhdueshme nga ALSAR për t’i ardhur në ndihmë brezit të ri në rrugën e dijes.

E marta ishte e mbushur me aktivitete humanitare në ndihmë të jetimëve, por ajo pati dhe një veprimtari të veçantë.

Studentë të shkëlqyer të universitetit publik morën dhuratë pako me libra, botime të Fondacionit ALSAR.

Shpërndarja u krye në sallën e konferencave të fondacionit, në praninë e përfaqësuesve të entit dhurues.

Pakot përmbanin tituj të ndryshëm të Botimeve ALSAR, dhuruar 25 studentëve, vajza e djem në ecje në rrugën e dijes.

Një ndihmë e çmueshme për këta studentë, që të tashmen e tyre e kanë të lidhur pikërisht me librin. Të tematikave të ndryshme, librat paraqesin interes për lexim dhe do t’u pasurojnë njohuritë studentëve.