Fondacioni ALSAR ka zhvilluar në ditët e para të kësaj jave procesin përzgjedhës të studentëve që do t’u jepen bursa studimi për vitin akademik 2022-2023.

Në shqyrtim u morën dosjet e aplikantëve, ndërsa vetë ata dolën para komisionit përzgjedhës. Vlerësime u dhanë për notat e tyre të larta dhe paraqitjen e mirë gjatë marrjes në pyetje.

Si aplikues ishin studentë ekselentë të universiteteve publike në Tiranë, Durrës, Elbasan, Shkodër dhe Korçë. Rezultatet e procesit përzgjedhës qenë brenda pritshmërive.

Komisioni bëri vlerësimet e duhura, shpalli konkluzionet, dhe renditi emrat fitues të bursave të studimit.

Ky është kontingjenti i dytë i përfituesve të bursave të studimit të dhëna nga Fondacioni ALSAR. Për një kontingjent tjetër studentësh është dhënë në shtator një këst i bursave të ekselencës.

Projekti i dhënies së bursave të studimit për studentë të shkëlqyer të universiteteve publike të vendit po mbush dekadën. Qindra ndjekës së shkollës së lartë kanë përfituar nga projekti, të ndihmuar në këtë mënyrë për t’i përfunduar me sukses studimet.

Në vijim janë emrat e fituesve të programit të bursave të ekselencës për vitin akademik 2022-2023:

1. Alba Jaupllari
2. Alketa Duraku
3. Anisa Tahiri
4. Anjeza Qahja
5. Belkisa Dervishi
6. Besart Maçi
7. Bleona Sejdini
8. Denada Bozha
9. Dregisa Shehi
10. Dritana Hida
11. Egzon Lame
12. Eliesa Bashvogli
13. Elisabeta Jaupi
14. Elmira Alushaj
15. Eneo Doçi
16. Eni Shtjefni
17. Erjane Muhadri
18. Ertil Bajaj
19. Esi Muska
20. Esmeralda Metko
21. Fatjona Vata
22. Gresilda Blloshmi
23. Jani Nini
24. Jona Haxhiaj
25. Jonida Kanushi
26. Jusra Loku
27. Kadrije Duraku
28. Klaudia Gjini
29. Klejda Llupo
30. Kostandin Boçi
31. Megi Hebibasi
32. Megi Lame
33. Mihrie Muhametaj
34. Njazi Meshau
35. Nosiana Burnazi
36. Oleandra Iskurti
37. Ornela Elezaj
38. Qazim Osmani
39. Redjana Dërka
40. Regis Shyti
41. Sabrid Ulqinaku
42. Sara Basha
43. Sefeda Lazaj
44. Seid Kasneci
45. Silvia Sanxhaku
46. Sonja Ballkoçi
47. Zarife Hasanllari

Një prej projekteve arsimore të Fondacionit ALSAR, ai i kurseve të gjuhës turke, ka rinisur zbatimin në qytetin e Kukësit me fillimin e vitit të ri shkollor.

Kursi do t’u shërbejë djemve dhe vajzave të Kukësit e rrethinave të tij për të përvetësuar një gjuhë të huaj, për të shtuar kulturën gjuhësore, dhe për t’u krijuar mundësi për studime të mëtejshme në të ardhmen në Turqi.

Kursi do të funksionojë gjatë gjithë vitit shkollor 2022-2023 dhe do të jetë i ndarë në tre grupe, me nxënës të shkollave 9-vjeçare dhe të mesme.

Mësimdhënia në kursin pa pagesë bëhet nga mësues të përgatitur, me metoda bashkëkohore, për t’ua bërë sa më të lehtë ndjekësve përvetësimin e lëndës.

Projekti i realizuar në bashkëpunim me bashkinë e qytetit është në kornizat e përmbushjes së misionit të Fondacionit ALSAR në fushën e arsimit, për t’u ardhur në ndihmë nxënësve dhe studentëve në rrugën e dijes.

Në kuadër të aktivitetit të tij arsimor dhe humanitar, si dhe të projekteve për përmirësimin e infrastrukturave shkollore e të ardhjes në ndihmë nxënësve të shkollave publike, Fondacioni ALSAR organizoi këtë të premte, më 4 nëntor 2022, dhurimin e disa materialeve didaktike për shkollën 9-vjeçare “Sami Kalasa” në Petrelë.

Projekti i realizuar përmbante dhurimin e pesë kompjuterave, të një printeri dhe fotokopjeje, të një pajisjeje grirëse letrash, të tetë karrigeve për mësuesit, të një tavolinë zyre dhe një mbajtëse rrobash.

Materialet e dhuruara iu dorëzuan drejtuesve të kësaj shkolle nga punonjës të Fondacionit ALSAR.

Mirënjohës për ndihmën, marrësit e materialeve didaktike shprehën falënderimet për institucionin dhurues.

Aktiviteti e kishte nxitjen nga një kërkesë e Njësisë Administrative Petrelë, së cilës Fondacioni ALSAR iu përgjigj pozitivisht.

Në kuadër të aktivitetit humanitar dhe arsimor të Fondacionit ALSAR, dhe me përkushtimin për t’i ndihmuar të vegjlit dhe të rinjtë në rrugën e dijes, janë shpërndarë çanta dhe mjete shkollore për nxënës në Lushnjë dhe në Tiranë.

Veprimtaria është zhvilluar në bashkëpunim me HAYRAT-in, me qendër në Turqi, e me dy përfaqësues të tij të pranishëm dhe aktivë përgjatë shpërndarjes.

Në fazën e parë të projektit janë shpërndarë 60 çanta, të dhëna në Lushnjë për nxënës në nevojë për ndihmë dhe në Tiranë për fëmijë jetimë.

Projekti parashikon shpërndarjen tërësore të 200 çantave, si dhe të mjeteve shkollore, gjer në realizimin e plotë.

Dhurimi i çantave dhe mjeteve shkollore për nxënës të shkollave të ndryshme të vendit ka një vazhdimësi disavjeçare. Projektet për shpërndarjen e tyre kanë patur mbështetjen e organizatave partnere të ALSAR-it.

Me urimin për udhëtim dhe shkollim të mbarë janë përcjellë për në Turqi nxënës të cilët kanë fituar të drejtën për ta vijuar atje ndjekjen e shkollës së mesme.

Të përcjellë nga prindër dhe të afërm, ata janë nisur drejt një vendi ku do ta ndiejnë menjëherë mikpritjen dhe do ta kenë të lehtë përshtatjen.

Të ndihmuar nga Fondacioni ALSAR në procesin e aplikimit, të rinjtë dhe të rejat do të fillojnë një udhëtim të ri në fushën e dijes në një rrugë të shkelur nga shumë të tjerë para tyre.

Të mirënjohura për standardet e larta, institucionet arsimore turke janë prej dekadash zgjedhje e parë për një numër të madh nxënësish dhe studentësh shqiptarë.

Shkollimi dhe formimi i duhur i brezit të ri është një prej përparësive të Fondacionit ALSAR në fushën e aktivitetit të tij arsimor. ALSAR ka një kontribut të qenësishëm në dërgimin e qindra të rinjve në shkollat dhe universitetet në Turqi.

Fondacioni ALSAR nuk resht së ndihmuari brezin e ri në udhën e dijes. E bën këtë nëpërmjet projekteve të ndryshme dhe në bashkëpunim me partnerët. Projektet shpeshtohen, marrin më tepër vrull, me nisjen e vitit të ri shkollor dhe akademik.

Dhënia e bursave të ekselencës është një prej projekteve arsimore të realizuara vit pas viti, për t’u ardhur në ndihmë studentëve të shkëlqyer, për t’i nxitur të përkushtohen më tepër në përgatitjen e tyre universitare.

Projekti ka nisur të realizohet dhe për vitin akademik 2022-2023. Në ambientet e Fondacionit ALSAR është dhënë të shtunën, më 17 shtator, kësti i parë i 32 bursave të ekselencës.

Studentë të degëve të ndryshme të Universitetit të Tiranës e kanë marrë këstin në praninë e z. Hüseyin Gündüz, i ardhur si përfaqësues i institucionit mbështetës të projektit të ndihmës me bursë, IHH-së me qendër në Holandë.

Krahas bursave të ekselencës, u dhuruan dhe gjashtë kompjutera portativë; një tjetër ndihmë e vlefshme për studentët.

Përfituesit shprehën mirënjohjen për mbështetjen e treguar për ta dhe për ndihmën konkrete, të obliguar akoma më tepër tani për të patur rezultate sa më të larta në ndjekjen e studimeve.