Sociale Archives

ALSAR në homazhet dhe në përcjelljen për në banesën e fundit të bashkëpunëtorit të çmuar, kryetarit të Shoqatës Tirana, Arben Tafaj

Fondacioni ALSAR e përjetoi me dhimbje largimin nga kjo botë të kryetarit të Shoqatës Tirana, me të cilin ka patur një bashkëpunim të gjatë dhe mjaft të suksesshëm.
Arben Tafaj ishte një mik i vyer i institucionit tonë, një bashkëpunëtor i çmuar.
Ai nuk do të ndalej në dy dekada e më shumë jetë si drejtues i Shoqatës Tirana në përpjekjen për t’i ngritur lart dhe përçuar vlerat e qytetit e të banorëve të hershëm të tij,
kryeqytetit të të gjithë shqiptarëve.
Personalitet dhe kontribues i ruajtjes së vlerave të komunitetit të autoktonëve, Arben Tafaj u dallua gjithnjë për angazhim të pakursyer.
Në këtë rrugëtim thuajse misionar të të ndjerit, idealet, synimet dhe drejtimet e tij e të shoqatës përkuan jo rrallë dhe me të Fondacionit ALSAR, sinkronizuar në veprimtari të
zëshme kulturore, konferenca, simpoziume, botime dhe promovime literature, etj.
Drejtues të Fondacionit ALSAR i bënë nderimet e duhura kësaj figure qytetare. Me homazhe dhe si pjesë e procesionit mortor, ata ishin mes përcjellësve të të ndjerit për
në banesën e fundit.
Ngushëllimet e Fondacionit ALSAR janë për familjen, për rrethin shoqëror dhe për të gjithë qytetarët e Tiranës. Zoti ua lehtësoftë dhimbjen të gjithë të dashurve të tij! Lusim
Allahun ta bëjë atë prej banorëve të xhenetit!

Orë argëtuese për fëmijët e kurseve të fundjavave

Në vargun e veprimtarive të zhvilluara në mbarimin e javës së kaluar me fëmijët e kurseve të mësim-edukimit ishte dhe dërgimi i një numri të tyre në një qendër zbavitjeje në kryeqytet.

Dhjetëra fëmijë shfrytëzuan mundësinë për të kaluar orë të gëzueshme, për të luajtur e për të ngrënë së bashku.

Ambienti i përzgjedhur mundësonte hapësirë të gjerë dhe një larmi ushtrimesh dhe lojërash.

Në aktivitetin argëtues morën pjesë 85 fëmijë, të destinuar për t’u njohur më mirë me njëri-tjetrin e për të përjetuar momente të lumtura.

Aktiviteti u organizua nga Fondacioni ALSAR dhe u mbështet nga IHH, me qendër në Holandë.

Dy përfaqësues të saj ndoqën fundjavën e kaluar zhvillimin e kurseve të mësim-edukimit në disa qytete të vendit; një inspektim së bashku me ALSAR-in dhe me disa veprimtari brenda.

“PËRKUJDESJA SOCIALE NDAJ FËMIJËVE JETIMË, NJË KONTRIBUT I SHQUAR NË SHËRBIM TË SHOQËRISË”

Fondacioni ALSAR, përmes zhvillimit të projektit “Përkujdesja sociale ndaj fëmijëve jetimë, kontribut i çmuar për të ardhmen e shoqërisë”, ka vijuar në mënyrë periodike gjatë vitit 2018 ofrimin e ndihmës financiare ndaj fëmijëve jetimë duke synuar në këtë mënyrë të ofrojë një ndihmesë dhe përkujdesje për fëmijët jetimë në drejtim të lehtësimit të vështirësive ekonomike familjare, si dhe të edukimit dhe të arsimimit të tyre, duke e konsideruar këtë si një ndihmesë modeste, por pozitive dhe shumë të rëndësishme jo vetëm për fëmijët jetimë, por edhe për të ardhmen e mbarë shoqërisë shqiptare.

Per me shume informacion se çfarë kanë përfituar, fëmijët jetimë gjatë vitit 2018, ju paraqesim si më poshtë vijon treguesit specifikë.

Asistencë në vlerë monetare

Gjatë vitit 2018 janë mbështetur 500 fëmijë

Asistencë në pako ushqimore

Gjatë vitit 2018 kanë përfituar 450 fëmijë ( 90 prej tyre kanë përfituar dy herë pako ushqimore)

Asistencë në pako mish kurbani

Gjatë vitit 2018 kanë përfituar 248 fëmijë ( 8 prej tyre kanë përfituar dy herë)

Asistencë në pako veshmbathje

Gjatë vitit 2018 kanë përfituar 31 fëmijë

Asistencë në vlerë monetare shtesë

Gjatë vitit 2018 kanë përfituar 9 fëmijë

Asistencë në kultivimin e farërave bujqësore

Gjatë vitit 2018 kanë përfituar 10 familje

Asistencë në pajisje shtëpiake

Gjatë vitit 2018 kanë përfituar 3 fëmijë

Asistencë në lëndë djegëse ( dru)

Gjatë vitit 2018 kanë përfituar 5 familje

FONDACIONI “ALSAR” DHURON LIBRA PËR BIBLIOTEKËN E SHKODRËS

Fondacioni Alsar dhuroi kontigjentin e II-të të librave për Bibliotekën e qytetit të Shkodrës. “Libri, dhurata më e çmuar” është një prej shumë projekteve të fondacionit të vënë në jetë me sukses. Ndalesa e radhës ishte këtë herë në Bibliotekën e Shkodrës “Marin Barleti”, përzgjedhur nga Fondacioni “ALSAR”. Këto libra do t’u shërbejnë kryesisht studentëve, dhe janë më së shumti të karakterit historik, ku nuk mungojnë dhe botimet më të fundit. Librat u morën në dorëzim nga drejtori i bibliotekës Z.Gjovalin Çuni i cili shprehu falenderimet për kontributin e dhënë nga ALSAR për pasurimin e fondit të bibliotekës me këto libra të vyer.

KURSI I FORMIMIT PROFESIONAL TË RROBAQEPËSISË PËR NËNAT E FËMIJËVE JETIMË

Fondacioni “ALSAR” me synimin për t’iu ofruar mundësi kualifikimi e aftësimi profesional nënave të fëmijëve jetimë, ka vijuar organizimin e kursit të rrobaqepësisë për t’iu ofruar mundësi punësimi në këtë profil i cili tashmë është i kërkuar nga tregu i punës. Në këtë mënyrë mund të permendim se programi i aftësimit profesional ndiqet aktualisht nga 50 nëna të fëmijëve jetimë të cilat përfitojnë jo vetëm njohuritë përkatëse nga programi teoriko-praktik, por njëkohësisht edhe dhurata në artikuj veshmbathjeje të qepura e realizuara nga duart e nënave për fëmijët e tyre.