Kryetari i Fondacionit “ALSAR” Z.Mehdi Gurra zhvilloi më datë 13 shkurt 2024 një vizitë zyrtare në Agjencinë Turke për Bashkëpunim dhe Koordinim, “TİKA” në qytetin e Ankarasë në Turqi.

Ai është pritur nga Kryetari i Agjencisë “TIKA” Z. Serkan Kayalar . Takimi u zhvillua në një atmosferë të ngrohtë dhe tepër miqësore.

Në bisedë janë diskutuar një sërë çështjesh, duke nisur nga kontributi i Agjencisë Shtetërore Turke për Bashkëpunim dhe Koordinim (TİKA), që operon në Shqipëri, i cili vlerësohet si një nga shembujt konkretë e më shprehës të dashamirësisë, miqësisë që ka populli dhe shteti Turk ndaj Shqipërisë, si dhe te zhvillimi i marrëdhenieve të bashkëpunimit për realizimin e projekteve të përbashkëta ndërinstitucionale me karakter kulturor, zhvillimor e humanitar me synimin për ti shërbyer në këtë mënyrë zhvillimit të marrëdhënieve vëllazërore ndërmjet dy vendeve tona.

Kryetari i Fondacionit Z. Mehdi Gurra, nga ana e tij duke i uruar suksese në detyrën e re Kryetarit të Agjencisë “TIKA” Z. Serkan Kayalar, i shprehu mirënjohjen e tij të thellë për mbështetjen e vazhdueshme që Agjencia Shtetërore Turke për Bashkëpunim dhe Koordinim (TİKA), ka ofruar në Shqipëri.

Ndër të tjera Kryetari i TİKA-s Z.Kayalar vlersoi kontributin dhe aktivitetin e Fondacionit ”ALSAR”të zhvilluar ndër vite si në fushën humanitare por edhe në fushën kulturore dhe veçanërisht shprehu vlerësime të thella mbi angazhimin dhe kontributin e Fondacionit ”ALSAR” në ndihmë të popullit vëlla turk me rastin e tërmetit të 6 shkurtit 2023.

Pas takimit me Kryetarin e TİKA-s, Kryetari i Fondacionit ”ALSAR’ Z.Mehdi Gurra u takua edhe me Nënkryetarin e TİKA-s Z.Mahmut Çevik. Z.Gurra e falenderoi Nënkryetarin Z.Mahmut Çevik për kontributin e tij të çmuar në ndihmë të Shqipërisë.

Është arritur marrëveshja e bashkëpunimit midis ‘Fondacionit ALSAR’ dhe ‘Bashkësisë Islame të Kroacisë’
në zhvillimin e fushës arsimore dhe kulturore.

Marrëveshja midis dy institucioneve konsiston në përkthimin e teksteve të mësim besimit, tekste të cilat
përdoren në kurrikulën e institucioneve arsimore nga klasa e parë deri në klasën e dymbëdhjetë në
Kroaci.

Kjo nismë është vijimësi e një nisme të ndërmarrë rreth katërmbëdhjetë vite më parë ku për herë të
parë ‘Fondacioni ALSAR’ mundësoi përkthimin nga gjuha boshnjake të teksteve të mësim besimit të cilat
zhvillohen në Bosnje Hercegovinë.

Kjo nismë është modeli i dytë që ofrohet për këto tekste arsimore me synimin që së afërmi këto tekste
të konsiderohen si model nga Ministria e Arsimit në rast se në kurrikulën para-universitare përfshihet
edhe mësim besimi.

Në kuadër të aktiviteteve arsimore dhe kulturore të Fondacionit ALSAR, dhe në vijim të projektit afatgjatë, “Libri, dhurata më e çmuar”, qindra tituj librash janë dhuruar për studentë dhe gjimnazistë të qytetit të Korçes.

Ceremonia e dhurimit u mbajt në ambjentet e bibliotekës së qytetit të Korçës, me praninë e shumë gjimnazistëve dhe studentëve të interesuar për të përfituar nga kjo dhuratë e çmuar.

Në aktivitetin e organizuar në bashkëpunim me bibliotekën e qytetetit ku mbajti fjalë prof. dr. Zyhdi Dervishi i cili falënderoi përzemërsisht Fondacionin ALSAR për librat e dhuruar. Ai foli për kontributet e ALSAR-it në fushën e kulturës, në mbështetjen e studentëve, si dhe në lëmin humanitar.

Do t’u drejtohej studentëve dhe drejtori administrativ i Fondacionit ALSAR, z. Saimir Rusheku, për t’u folur në mënyrë të përmbledhur për veprimtarinë e ALSAR-it, për shtyllat e kësaj veprimtarie – humanitare, arsimore dhe kulturore – dhe për arritjet në vite.

Nga fjalimi i tij prof. Petrit Zeneli vuri në dukje kontributin e Fondacionit ‘ALSAR’ në prizmin kulturor në raport me të rinjtë shqiptar.

Dhurata përbëhej nga një shumëllojshmëri titujsh librash, shpërndarë më pas për nxënës e studentë.

Fondacioni ‘ALSAR’ në kuadër të projektit ‘Libri, dhurata më e çmuar’ dhuroi për gjimnazin publik ‘Mustafa Kemal Ataturk’ në qytetin e Vlorës një mori titujsh të botimeve ‘ALSAR’

Tituj me në fokus tematika të ndryshme, botime të reja e të hershme iu shtuan bibliotekës së gjimnazit ‘Mustafa Kemal Ataturk’

Drejtues dhe punonjës të gjimnazit ‘Muatafa Kemal Ataturk’ shprehën mirnjohje të thellë për kontributin e Fondacionit ‘ALSAR’ në pasurimin e bibliotekave shkollore.

Projekti ‘Libri, dhurata më e çmuar’ vijon të zbatohet dhe mbetet një nga projektet më të rëndësishme në rrafshin kulturor por edhe arsimor të Fondacionit ‘ALSAR’

Kryetari i Fondacionit ‘ALSAR’ z.Gurra u prit në takimin zyrtar nga sekretari i përgjithshëm i ‘Unionit të Organizatave Jo-Qeveritare të Botës Islame’ İDSB. Pjesë e takimit zyrtar ishte edhe zëvendës kryetari i Fondacionit ‘Deniz Feneri’ z.Ismail Tuğrul.

Në qendër të bisedimeve midis kryetarit të Fondacionit ‘ALSAR’ z.Mehdi Gurra dhe sekretarit të përgjithshëm të organizatës ‘İDSB’ Eyup Akbal ishin diskutimet mbi raportet e bashkëpunimit për vitin 2023 midis dy institucioneve, mbi vijimin e bashkëpunimit për vitet në vazhdim, mbi organizimin e një simpoziumi të përbashkët në vitin 2024 në lidhje me përhapjen e Islamit në Ballkan por edhe mbi aktivitetin studentor që zhvillohej paralelisht në qytetin e Stambollit ku ‘ALSAR’ përfaqësohej nga studentët shqiptarë bursantë të Fondacionit ‘ALSAR’.

Bisedimet u zhvilluan me një frymë tepër pozitive mbi termat e bashkëpunimit në terma afatshkurtër, afatmesëm dhe afatgjatë midis Fondacionit ‘ALSAR’ dhe ‘Unionit të Organizatave Jo-Qeveritare të Botës Islame’ İDSB.

Në mbështetje të trashigimisë Islame për të përçuar drejtë brezit të ri vlerat e besimit, moralit dhe etikës fetare dhe në përgjigje të kërkesës së vazhdueshme të besimtarëve, u mundësua dhurimi i mjeteve të leximit të Kuranit (Rahle).

50 rahle janë dhuruar për xhaminë e Arramerasit në Fushë Krujë, 50 rahle janë dhuruar për xhaminë e Mënikut, 50 rahle janë dhuruar për xhaminë e Zhamës në Lushnje dhe 50 rahle janë dhuruar për një faltore në qytetin e Elbasanit.

Në total u dhuruan 200 rahle për ti shërbyer besimtarëve në leximin dhe mësimin e Kuranit.