Fondacioni ‘ALSAR’ vijon me botimet me karakter historik. Së fundmi, për lexuesin shqiptar publikohet vepra me titull ‘Kosova- idealet, iluzionet, dhe realiteti’ me autor Hysen Matoshi.

Vepra në fjalë trajton periudhën historike të pasluftës në Kosovë, për zhvillimet në kohë historike, për dukuri shoqërore, për data e për personalitete të Kosovës, për idealet e brezave të lirisë, për përballjen ndërmjet iluzioneve dhe realitetit.

Libri përmban disa nga reagimet publike të autorit, Hysen Matoshi, lidhur me zhvillimet në Kosovën e pasluftës. Në këto kohë dimanike dhe zhvillimesh shumëplanëshe ka pasur ndodhi që kanë zgjuar vëmendjen e opinionit të gjerë kombëtar e ndërkombëtar, ndaj të cilave autori ka shprehur mendimin e tij

Një dorë shkrimesh kanë marrë shtysë edhe nga leximi i veprave, burimeve të ndryshme, por edhe si trajtim i dukurive historike, të shkruara në një sens kritik dhe polemizues.
Përgjithësisht vëllimi “Kosova – idealet, iluzionet dhe realiteti”, me autor Hysen Matoshin, është një vepër që hedh dritë mbi ngjarjet me tepër rëndësi në rrugën drejtë shtetformimit të Kosovës por edhe përtej

Fondacioni ‘ALSAR’ vijon me botimin e librave me përmbajtje studimore historike. Për apasionuarit dhe për studiuesit e historisë rajonale ballkanike sapo doli nga shtypi vepra “Kisha e sherrit” me autor Hajrudin S. Muja.

Në këtë libër, studimi i autorit Hajrudin S. Muja trajton çështjen e ngritjes së Kishës Serbe në majën e Rumisë me tjetërsimin etno-kulturor dhe uzurpimin e kishës së vjetër të Krajës dhe kishave në ishujt e liqenit të Shkodrës.

Autori përcejell për lexuesin rrezikun që buron nga ideologjizimi i Kishës Serbe si protagoniste dhe propagandiste kryesore e politikave gjenocidale për rajonin në përgjithësi dhe për shqiptarët në veçanti si dhe forma se si institucioni i Kishës Serbe me të gjithë fuqinë e saj propagandistike tenton në çdo rast të tjetërsojë e të manipulojë historinë reale të këtyre territoreve.

Botimi i kësaj vepre studimore nga Fondacioni ‘ALSAR’ vjen për lexuesin në gjuhën shqipe dhe në gjuhën serbo-kroate.

Fondacioni ‘ALSAR’ vijon me botimin e librave me përmbajtje historike. Për apasionuarit dhe për studiuesit e historisë sapo doli nga shtypi vepra “Histori rreth Shqipërisë dhe shqiptarëve” me autori Ali Galip.

Autori Ali Galip me origjinë nga Korça, në vitin 1901, me porosi të Sulltan Abdulhamidit II ka ndërrmarë një shëtitje në trevat shqipfolëse të Ballkanit dhe ka përgatitur një raport të detajuar për Sulltan Abdulhamidin prej 78 faqesh .

Pasi Sulltan Abdulhamidi e ka lexuar raportin historik rreth Shqipërisë dhe shqiptarëve e ka dërguar të lidhet si liber dhe më pas ka urdhëruar të dërgohet në bibliotekën e sendeve të rralla të Perandorisë Osmane.

Ky libër i botuar nga Fondacioni ‘ALSAR’ është botuar në katër gjuhë: osmanisht, turqisht, shqip dhe anglisht së bashku në libër

Ju bëjmë me dije se sapo është botuar libri më i ri nga dr. Ahmet Kamberi. “Botimet ALSAR” sjellin këtë vepër për lexuesin e cila është një përmbledhje me tregime letrare nga doktori i mirënjohur kardiolog, z. Ahmet Kamberi. Libri është i përbërë nga 13 tregime të cilat kanë për tematikë qëndrore marrëdhëniet e
komplikuara shoqërore, përvojat mjek-pacient, shpërdorimin e pushtetit politik, ironizimin e drejtësisë së muanguar, etj.
Stili i përdorur në këto tregime është kryesisht realist, duke bërë të mundur kapërcimin nga përvoja profesionale e autorit, në hapësirën letrare dhe anasjelltas. Kjo bën që teksti të mos jetë pastërtisht letrar dhe që lexuesi të gjejë brenda tij shumë prej ngjarjeve të përditshmërisë dhe të jetë i familjarizuar me shumë prej personazheve të tregimeve. Gjithashtu, në tekst vërehen disa përzgjedhje nga autori, ku spikat përdorimi i alegorisë, fabulës moralizuese, ironizimi apo nënqeshja e mençur, që e afrojne tekstin
me prozën popullore shqiptare, prej nga ku autori huazon disa prej figurave letrare dhe bisedimore. Në njërin prej tregimeve kemi nota të forta të kronikës, ku përshkruhen letrarisht ngjarjet e tetor-nëntorit të vitit 1956 në Budapest (i njohur si kundër-revolucioni hungarez), kohë përgjatë së cilës autori ka qenë i pranishëm si student në Hungari.

Kryetari i fondacionit ‘ALSAR’ z.Mehdi Gurra zhvilloi një vizitë pune në sindikatën HAK-IŞ me qendër në Ankara, sindikatë e cila prej vitesh bashkëpunon me fondacionin ‘ALSAR’.

Në qendër të bisedës ishte rinovimi i marrëveshjes së bashkëpunimit midis dy institucioneve për vitet në vazhdim si dhe realizimi i projekteve humanitare e kulturore në Shqipëri me mbështetjen e sindikatës HAK-İŞ.

Pasi kryetari i sindikatës HAK-İŞ e falenderoi kryetarin e fondacionit ‘ALSAR’ z.Mehdi Gurra për vizitën në ambientet e sindikatës, premtoi që së shpejti do të zgjatet marrëveshja e bashkëpunimit midis dy institucioneve edhe për një periudhë pesë vjeçare.

Nga ana tjetër, kryetari i fondacionit ‘ALSAR’ e falenderoi kryetarin e sindikatës ‘HAK-İŞ’ për kohën e rezervuar dhe për ndihmën e dhënë me qenë se ky vit është edhe viti i 100 vjetorit të marrëdhënieve diplomatike shqiptaro-turke dhe 100  vjetori i shpalljes së Turqisë republikë.

Në muajin dhjetor do të organizohet një aktivitet i përbashkët në kuadër të këtij eventi.

Më datë 10 tetor 2023, në Sallën e Koncerteve Cemal Reşit Rey në Stamboll u zhvillua një veprimtari kulturore me përmasa rajonale për ndarjen e “Çmimeve Ndërkombëtare për të Drejtat e Njeriut dhe Kulturës për vitin 2023” e organizuar nga ‘Rümeli Türkleri Vakfı’.

Fokusi kryesor i kësaj veprimtarie në këtë mbrëmje gala ishte vlerësimi dhe nderimi i figurave dhe personaliteteve nga rajoni i Ballkanit, përmes akordimit të ‘ÇMIMEVE PËR TË DREJTAT E NJERIUT DHE KULTURËS’.

Në këtë ceremoni kryetari i fondacionit ‘ALSAR’ z.Mehdi Gurra u dekorua me ‘Çmimin Ndërkombëtar Për Të Drejtat e Njeriut dhe Kulturën 2023’ duke u konsideruar një personalitet i denjë nga lidershipi i organizatës ‘Rümeli Türkleri Vakfı’ për studimet shkencore në kuadër të kontributit të çmuar të z.Mehdi Gurra për botimet me karakter historik, kulturor, e akademik, për asistimin e tij në forcimin e marrëdhënieve miqësore e vëllazërore midis dy vendeve e dy popujve dhe për kontributin madhor për forcimin rolit të shoqërisë civile ndër të dekoruarit nga Shqipëria në këtë ceremoni ishte edhe Prof.Dr Ferit Duka i vlerësuar për kontributin e tij të vyer në hulumtimin, studime dhe në publikimet në lidhje me të shkuarën e përbashkët midis dy popujve.

Kjo ceremonie e organizuar nga ‘Rumeli Kanaat Önderleri’ u zhvillua në kuadër të vizionit të përbashkët për të ardhmen midis popullit të Anadollit dhe popullit të Ballkanit.
Populli turk dhe popujt e rajonit tonë që kanë një të kaluar të përbashkët dhe për rrjedhojë një të ardhme të përbashkët, kjo e ardhme bazohet në kuptimin e emëruesit të përbashkët.

Z. Rafet Reşadiyeli, Kryetar i Bordit të Drejtorëve të fondacionit ‘Rümeli Türkleri Vakfı’ u shpreh se: “Individët dhe organizatat homologe që ushtojnë një veprimtari në përputhje me qëllimin e ceremonisë së ndarjes së çmimeve të bordit drejtues të fondacionit ‘Rümeli Türkleri Vakfı’ u konsideruan të denjë për çmimin sepse ata kryen punë të dobishme për forcimin e miqësisë midis vendeve, morën vlerësim dhe ishin të denjë për falenderim.” “I përgëzoj ata që kontribuan, i përgëzoj marrësit e çmimeve dhe shpresoj që kjo veprimtari që zhvillojmë sot për herë të parë, do të shdërrohet në një traditë që do të ndiqet në vijimësi për për brezat e ardhshëm”, u shpreh z.Reşadiyeli.